Taldyqorǵan qalasynyń «Jastar» sport saraıynda Áskerı polısıa bóliminiń uıymdastyrýymen áskerı bólimder arasynda bılárdtan jarys ótkizildi. Atalǵan jarysqa Taldyqorǵan garnızonynda ornalasqan áskerı polısıa, 54380, 18404, 21751, 48386, 18386, 15603, 5514 áskerı bólimderiniń áskerı qyzmetshileri qatysty. Oıynshylar komandalyq jáne jeke dara reıtnıgisi boıynsha baq synasyp, sheberlikterin pash etti.

Taldyqorǵan garnızony boıynsha Áskerı polısıa bóliminiń kapıtany Erlik Nesipbaev mundaı sporttyq saıystardyń bir garnızonynda ornalasqan áskerı bólimder arasynda jyl saıyn dástúrli túrde uıymdastyrylatynyn atap ótti.

Atalǵan jarys salaýatty ómir saltyn ustanýǵa, ár áskerı bólimderdegi áskerı qyzmetshiler arasynda dostyq baılanysty nyǵaıtýǵa baǵyttalǵan. Jarysta ozyq shyǵyp, Áskerı polısıa bóliminiń bedelin kótergen maıor N.Rahmetov, maıor S.Moldahanov, kapıtan N.Ámirovtyń kásibı sheberlikterin erekshe atap ótken jón, - dedi kapıtan E.Nesipbaev.

Jarys qorytyndysy boıynsha belsendilik tanytyp, komandalyq esepte 1-shi orynǵa Áskerı polısıa bólimi shyqsa, 2-oryndy 21751 áskerı bólimi ıemdendi, al 54380 áskerı bóliminiń qatysýshylary 3-oryndy qanaǵat tutty. Jeke dara reıtıńi boıynsha Taldyqorǵan garnızony Áskerı polısıa bóliminiń ofıseri maıor S.Moldahanov birinshi orynǵa ıe boldy.

Jeńimpazdar arnaıy kýbokpen jáne gramotalarmen marapattaldy.