Bul jóninde Mańǵystaý oblysy ákiminiń apparat jıynynda tabıǵı resýrstar jáne tabıǵat paıdalanýdy retteý basqarmasynyń basshysy Qusbekov Dúısen málimdedi.
Basqarma basshysy turmystyq qatty qaldyqtardy jınaý men saqtaýdyń aǵymdaǵy jaǵdaıy jáne tarıfter týraly baıandady.
«Qazir oblystaǵy barlyq 662 689 adamnyń 551 590-y nemese 83%-y ǵana turmystyq qatty qaldyqtardy jınaýǵa kelisimshartqa otyrǵan. Al eldi mekenderdi konteınerlermen qamtý jumysynda kemshilikter az emes. Konteınerlerge barlyq qajettilik 20 417 bolsa, 10 093 danasy ornatylǵan. «Qazaqstan Ǵarysh Sapary» Ulttyq kompanıasynyń túsirilimimen 96 núktede ruqsatsyz tógilgen qaldyqtar oryndary anyqtaldy», - dedi Dúısen Qusbekov.
