Oblys ákimdiginiń aparattyq jıynynda komýnaldyq qyzmet kórsetý tarıfterin tómendetý máseleleri týraly turǵyn úı-kommýnaldyq sharýashylyq bólimi bastyǵynyń mindetin atqarýshy Jandos Sálimov baıandady. «2019 jylǵy 1 qańtardan bastap zańdy tulǵalar úshin, atap aıtqanda «MAEK-Qazatomónerkásip» elektr stansıasy úshin gaz tarıfi qosymsha 10 paıyzǵa tómendeıdi. Elektr energıasyn óndirý - aǵymdaǵy jyldyń 1 qańtarynan bastap «QazTransGazAımaq» AQ-nyń gaz tarıfin 10% -ǵa tómendetýine baılanysty, «MAEK-Qazatomónerkásip» JSHS-niń elektr energıasynyń tarıfi 19%-ǵa arzandap, oblystaǵy 671,3 myń turǵynyn qamtıdy», - deıdi J.Sálimov.

«MEBK» JSHS turǵyndar ushin beriletin elektr energıasynyń tarıfi 50% jáne óńirlik MKK úshin 13%-ǵa tómendemek. Aǵymdaǵy jyldyń 1 qańtarynan bastap elektr qýatynyń tarıfi 18%-ǵa tómendegenniń arqasynda «Kaspıı sý tushshytý zaýyty» JSHS-niń óndiretin aýyz sýdyń tarıfi 7,0%-ǵa tómendeıdi, ıaǵnı 150 myń adamdy qamtıtyn bolady. Ákimdiktiń baspasóz qyzmetiniń málimetinshe, jylý energıasyn jetkizý boıynsha - 2019 jylǵy 1 qańtardan bastap jylý energıasyna tarıf 3% -ǵa, ystyq sýmen jabdyqtaý ystyq sýǵa tarıf 5,3%-ǵa tómendeıdi dep kútilýde.