Ár áıeldiń qýaty túgesiletin mezgili bolady. Áıeldiń qýatyn eseleıtin tásilder týraly sóz qozǵasaq.
- Massaj. Ýqalaý mańyzy. Áıeldiń táni únemi qozǵalyp, qımyldap turýy kerek. Áıtpese, qýaty bir jerde turyp qalyp, deneni aýrý etedi.
2. Shashtarazǵa barý. Ádemi shash tek kóńil kóterý emes. Áıeldiń shashy onyń oıynyń aınasy ispetti. Shash áıeldiń kórki. Oǵan erekshe kútim kerek.
3. Manıkúr. «Ádemi qoldardy súıe bergiń keledi” deıdi eken erler qaýymy. Qyzyl tústi lak jaǵylǵan tyrnaqtar jetistik pen sulýlyqty tartady desedi.
4. Ózge áıeldermen aralasý. Ózara qýat almastyrýdyń máni bar. Erkekke ózin tanýǵa tynyshtyq kerek. Áıelge kerisinshe sóılesý qajet. Ózge áıeldermen áńgime-dúken qurý arqyly ózin tanı túsedi.
5. Uzaq sóılesý kerek. Telefonmen bolsa da. Bul ýaqyt óltirý emes. Sóılesý – áıelge kerekti qýat kózi. Sóz áıeldiń ishinde jınalyp qalady. Sony shyǵarmasa, erine qıyn bolady. Kúıeýge sóıleý jaqsy amaldardan emes.
6. Serýendeý. Áıel kúnine bir ret bolsa da syrtqa shyǵyp, taza aýamen tynystaýy kerek. Otbasynyń uıytqysy áıel, desek te oǵan tabıǵatpen qarym-qatynas óte mańyzdy.
7. Mýzyka. Kúndelikti saz tyńdaý qajet. Dástúrli, klasıka. Jalpy unaıtynyn tyńdaı berińiz. Tańerteń shaı ishkende qulaq quryshyn qandyrar saz tyńdaýdy ádetke aınaldyryńyz.
8. Suhbattasý men oılaný úshin kúrdeli taqyryptardy aınalyp ótý. Áıelge keıde ushqalaq bolyp, ár túrli usaq-túıekti oılaý paıdaly. Kishkentaı qyz sıaqty kóriný oǵan jeńilmes jastyq shabyt syılaıdy. Ásirese, isker áıelder úshin osy qabilet mańyzdy. Jumysty jumysta qaldyryp, úıge tek qýanysh ákelińiz.
9. Túrli shóptesinniń juparlaryn, maılaryn qosyp sýǵa túsý. Bul erkelik emes, qajettilik! Tánińizge kóńil bólseńiz, artynsha ózińiz tańdanarlyq jaǵdaıǵa kóz jetkizesiz.
10. Medıtasıa. Kez kelgen bosańsytý úderisteri ispetti názikjandardyń ózine tán qýatyn arttyrady. Kúndelikti uıqy aldynda medıtasıa jasaý kerek. Tabıǵat aıasynda jasalatyn medıtasıa da paıdaly.
11. Án salý sabaǵy. Án salý tamaqtyń chakrasyn ashady. Án salǵan adam urysqysy kelmeıdi. Erlerge degen meıirim oıanady. Baıaǵy zamandaǵy Spartada áıelge arnap aıtylar maqtaýdyń biri «án sıaqty eken» degen sóz bolypty.
12. Dúken aralaý. Jańa zattarǵa kóz salý ǵana emes. Aqsha joq bolsa da, dúken aralaý kerek. Keı kıimderdi kıip kórińiz. Óz symbatyńyzǵa súısinińiz. Áıeldiń qýaty sheksiz ekenin este saqtańyz. Keıbir zatty jaı ustap kórý ǵana jetkilikti. Kóp uzamaı ol sizdiń qolyńyzǵa túsedi. Ony alatyn aqsha da óz-ózinen paıda bola ketedi.
13. Psıhologqa qaralý. Mindetti túrde dárigerińiz áıel bolsyn! Kórgeni kóp, tájirıbeli áıeldiń sizge aıtar aqyly kóp bolmaq. Qazirgi qıyndyqqa basqasha kózben qaraýǵa úıretedi. Danalyq jasy kelgen áıelderden beriledi. Sondyqtan analarmen, ájelermen aralasý, olardyń sózin tyńdaý mańyzdy.
14. Bıleý. Áıeldiń qýaty men tartymdylyǵyna septigi mol. Ásirese, arabsha bıler, latyn bılerin meńgerý qyzyq.
15. Ioga. Iogamen shuǵyldaný sanany tynyqtyryp, kúsh beredi. Múmkin bolsa turmys qurǵan áıelden sabaq alǵan durys. Er adam ustazdyq etse, onda ol tek salmaq salýǵa basymdyq beredi. Qýatty nárlendirýdi úırete almaıdy. Sebebi, ol er adam.
16. Únemi qurbylarmen bastańǵy jasaý. Birge jınalǵan kezderde áıelderdiń qýaty artady. Qýat almasady. Jetispeı turǵan qabilet ashylady.
17. Gúl ósirý. Úıde gúl ósirýdi qolǵa alý. Bul da áıel qýatyn kúsheıtetin tásil. Gúl ashqan ósimdik áıelge uqsaıdy. Ony ósirý áıeldiń de qýat-kúshin arttyrady.
18. Kúıeýi bar qurbylarmen aralasý. Kúıeýge shyqqysy keletin qyzdarǵa mańyzdy. Otbasy qýaty óte basalqy qýat kózi. Tek otbasyly qurbylar jınalatyn kezdesýlerden bas tartýdan asyqpańyz. Mundaı kezdesýden soń sizge kóńili aýatyn jigitter kezdesip qalýy múmkin. Túngi klýbta ýaqyt ótkizýden góri otbasy merekesine barý paıdaly.
19. Kómek. Qol ushyn sozý nemese kómek suraý. «Men ózim» degen ustanymnan bas tartyńyz. Bul erlerge tán minez.
20. Kitap dúkenine jıi barý. Kitap toly sórelerdi aralaý áıelge kúsh-qýat syılaıdy. Apta saıyn dúkenge barýdy ádet qylyńyz. Áıel – bilim saqtaýshysy. Al, kitap – bilim bulaǵy. Durys kitaptardy tańdańyz. Áıeldiń sanasyn jetildiretin kitaptarǵa kóńil bólińiz.
21. Erlerden kómek suraý. Kez kelgen qamqorlyq áıeldi náziktendire túsedi. Tájirıbe jasap, beıtanys azamatqa sómkeńizdi kóterisýdi surańyzshy. Kóńil kúıińiz 100% kóteriledi!
22. Oqý. Jaqsy kitap oqyńyz. Adamdardyń taǵdyry týraly kitaptar kóp áser etedi. Ózgeniń taǵdyryna qarap ózińdi jaqsy túsine bastaısyń.
23. Úıdegi mindetterdi bólisip isteý. Jaqyndaryńyzǵa keı mindetterdi bólip berińiz. Senip tapsyryńyz.
24. Aspazdyq. Tamaqqa qatystynyń bári áıel qýatyn kúsheıtedi. Áıel – asqananyń egesi. «Qatyn qaırattansa, qazan qaınatady» dep bekerge aıtylmasa kerek. Áıel tamaqtandyryp, as-sý berýge sheber. Tamaq pisire almaısyz ba? Úırenińiz. Bilseńiz, as mázirin baıyta túsińiz. Basqa eldiń asqanasyn zerttep, zerdeleńiz. Mahabbat pen as daıarlaý qýattandyrady.
25. Úı – jaı ǵana páter emes. Úı men áıeldiń ortasynda erekshe baılanys ornaıdy. Syqyrlaǵan esikter, tyrs-tyrs tamǵan sý – áıeldiń qas jaýy. Áıel úshin bul salaqtyq qana emes, onyń kúshin jutyp qoıatyn túpsiz tesikter. Degenmen, mundaı usaq-túıekke erkekti mazalamaı-aq qoısa balady. Nege? Erkek «Búkil kafel jaramsyz bolyp qalǵanda bárin tutas aýystyram. Tekke qabyrǵany sylaı bergennen ne shyǵady» dep oılaıdy. Usaq-túıekti jóndeýshige jasata salýǵa bolady. Biraq kúıeýińizge onyń qoly tımegendikten jasatyp qoıǵanyńyzdy eskertińiz. Erkektiń ózin baǵalaýy óte názik taqyryp.
26. Josparlaý. Bitpegen is pen kúdik áıeldi buzady. Oǵan naqty jospar kerek. Óziniń qýatyn saqtaýdyń basty sharty. Usaq-túıekti josparlap úırenińiz. Sodan keıin aılarǵa, jylǵa jospar quryp daǵdylanasyz. Erteń keshke ne isteısiz?
27. Merekelik kesh nemese shyraq jaǵyp keremet keshki as uıymdastyra bilý kerek. Buny súıiktisinen góri áıel ózi úshin kóbirek jasaıdy. Eriniń qyzyǵýshylyǵyn arttyrýǵa osylaı tosynsyı jasap turǵan artyq emes. Syıqyrly sátterdi syılaı bilińiz. Ózińizdi de, jaqyndaryńyzdy da qýanta bilý ǵajap qoı.
28. Balany oqytý, tárbıeleý. Balany tárbıeleı júrip áıel óz qýatyn kúsheıtedi. Balamen qosylyp oınaǵannan qashpańyz. Qolyńyzdan kelgen nárseni úıretińiz: sýret salý, án aıtý, bıleý.
29. Ártistik sabaǵy. Áıeldiń álemi – kóńil-kúı sahnasy. Sahnada túrli ról somdap júrip, ózińdi jaqsy túsinip qana emes, ár túrli jaman ádetten arylyp, jaqsyǵa boı úıretýge bolady.
30. Tabıǵat aıasyna seıil. Dostarmen shyǵý shart. Áıel qýatyn kóteretin birneshe sebep bar: birigý, tabıǵatta serýendeý, as daıarlaý.
31. Makıaj. Ózińe kútim jasaý. Erkekke unaý úshin emes. Eń aldymen ózińe unaý úshin. Úıde júrgende neshe túrli shash úlgisin jasap kórý, boıanyp tájirıbe jasaý, ádemi kóılekterdi kıip kórý, aına aldynda ózińdi keremet seziný áıelge lázzat syılaıdy.
32. Gúl syılaý. Óziń gúl syılaý. Qýat-kúshti ósiretin bir sebep ol – gúl. Gúl áıeldi kóriktendire túsedi. Olar birden barlyq jaǵymsyzdyqty joıady. Áıeldiń boıyndaǵy ashýdy boıyna sińirip alady. Sondyqtan kóńil-kúıińiz tússe, jylaýǵa asyqpańyz, ózińizge gúl syılańyz.
33. Kóılek pen beldemshe. Mundaı kıim úlgisi áıeldik qýatty nárlendiredi. Názik etedi. Alǵashqy jeti kezdesýge shalbar kıýge bolmaıdy degen shart bar. Árıne, eger ol adamda oıyńyz bolsa. Únemi shalbar kıý áıeldiń jynys múshelerine keri áser etip, dertke shaldyqtyrady.
34. Jas analar klýby. Balańyz jas bolsa, sondaı balasy bar analarmen aralasyńyz. Bul tájirıbe almasý ǵana emes, qýat almasý. Ana bolý Aıǵa aınalý, al aıdyń nuryna shomylý áıel qýatyn eseleıdi.
35. Balaǵa qamqorlyq. Kúıeýdegi qurbyńyz balamdy qarap ber dese, basyńyzdy alyp qashpańyz. Qamqorlyq tanytý – áıel úshin qýattanýdyń bastaýy. Eń bastysy, erkekke bala sıaqty qaramaý.
36. Qol jaıǵandarǵa nan berý. Qaıyrymdylyq – jaqsy qasıet. Ol aıdan alatyn qýatty kúsheıtedi. Jurttyń bárine kómektesý shart emes. Siz qýanysh syılaı alatyn adam janyńyzdan da tabylar. Jalǵyzilikti kórshińizge jemis aparyp berińiz. Joly túsken qonaqqa dastarqan jaıyńyz.
37. Aralasý. Áıelge ózgelermen aralaspaı qalý óte qıyn. Áńgimeden kúsh alady. Tek aıtylatyn áńgime ósek emes, táýir áńgime bolǵanyn qadaǵalaýdy umytpaǵaısyz.
38. Romantıkalyq kıno. Qurbyńyzben birge kınoǵa barýǵa kelisińiz. Mahabbat týraly jaqsy kıno áıel úshin utymdy paıdalanǵan ýaqyt bolmaq. Biraq ony basqa áıeldermen birge kórgen qyzyq ári paıdaly.
39. Jańa mádenıetti zertteý. Adamnyń tanymyn keńeıtedi. Áıelge ishte syr saqtaı bermeı, óz áleminen syrtqa shyǵýǵa ıtermeleıtin ádis. Áıel qýaty syrtqa shyǵýy tıis. Ony altyn torǵa qamaı bergen jón emes.
40. Qaınar bulaq. Ózen, kóldegi demalys – qýatyńdy kúsheıtýdiń keremet tásili. Sý – áıeldiń tartymdylyǵynyń negizi, onyń ózimen úılesimdiligin arttyrady, jaǵdaıǵa beıimdiligin eseleıdi nemese oıyn ashyq aıtýǵa beıimdeıdi. Ejelgi grekter Afrodıtanyń ǵıbadathanasynda sulýlardy sýǵa júzýdi úıretýdi mindet sanaǵan.
41. Aǵzaǵa salmaq salý. Kúsh-qýatyńyz azaıǵanyn sezseńiz, jańa sport túrine den qoıyńyz. Buryn jasap kórmegen fıtnes qana emes, jaı ǵana tańerteńgilik júgirý de jaraı beredi. Bıdiń paıdasy zor. Eger jaqsy kóretin adamyńyzben aıyrylyssańyz, ony umytýdyń eń jaqsy tásili – bıge jazylý.
42. Kóılekter. Ádemi kóılek – qýatyńyzdy arttyratyn bastaýdyń biri. Tek bir jaqqa barý úshin ádemi kıinbeý kerek. Úıde de ádemi kıinip júrińiz.
43. Eskiden qutylý. Eski zattar, qoqys pen shashylyp jatqan dúnıe áıeldiń kúshin jep qoıady. Kúrdeli jaǵdaıdy bastan keship jatsańyz, onda tazalyqpen aınalysyńyz. Qoqystan qutylyńyz.
44. Salamatty ómir salty. Jaman ádettiń bári keri áser etetinin aıtyp túsindirýdiń qajeti bar ma eken? Onyń barlyǵy áıeldiń sulýlyǵy men qýatyna áser etedi. Tek temeki tartýdy ǵana jaman ádet deý az. Jalqaýlyq pen ashýshańdyq degennen de tezirek qutylyńyz.
45. Poezıa. Óleń oqý ár áıeldiń «menin» ashýǵa kómektesedi. Eger jazaryńyz bolsa, óz óleńderińizdi de jaza bastańyz. Qaǵaz betine barlyq kóńil-kúı men yntyzarlyqty qaldyrýǵa tyrysyńyz. Durys uıqas ádemi sóıleýge beıimdeıdi. Jaǵymdy oılarǵa jeteleıdi.
46. Qustar men janýarlardy tamaqtandyrý. Qýat alýdyń eń bir jeńil tásili. Tereze aldynda qustarǵa nan tastaıtyn jer ázirleńiz. Qustardy úıde ustaýǵa da bolady. Shymshyq ustasańyz, ol sátti kúıeýge shyǵýǵa septesedi.
47. Murajaı men kórmelerge jıi baryp turyńyz. Barlyq sulý zattar áıeldi sulý etedi.
48. Ustazben sóılesý. Ózińiz súıip oqıtyn adamnyń leksıasyna baryp, tyńdap kórińiz. Trenıńterge qatysyńyz. Kitaptar sizge kerekti bilimdi beredi. Degenmen avtormen kezdesýdiń áseri bólek. Odan alatyn qýatyńyz erekshe bolmaq.
49. Kúndelik jazý. Óz oıyńyz ben tilekterińizdi qaǵaz betine túsirýdi umytpańyz. Kúndelik betine sýret salýdy ádet qylyńyz. Sezimderińiz óte mańyzdy. Olardy jazyp otyrý mańyzdy. Emosıanyń qýatyn ishine jınaǵan áıel ony qarsy aldynda shaı iship otyrǵan kúıeýine shyǵarady. Munyń jaqsy emestigin bilý kerek. Oıdy jazý olar týraly saraptap otyrýǵa múmkindik beredi.
50. Sýret álbomy. Oǵan eń kúshti sýretterińizdi jınap qoıyńyz. Ózińizge qarap súısinýden talmańyz. Siz árdaıym súıkimdi ekenińizdi bilip júrińiz!
51. Tilek anyqtaý. Ózińizge arnap jaqsy tilekter tańdańyz. Neni qalaısyz, qarym-qatynastan ne kútesiz. Men isteı alamyn degennen qashyńyz. İsteý –
erkektiń mindeti. Erkekter “men ony jaýlap ala alamyn, men oǵan úılenemin» dep aıtady. Al, áıel osylaı oılasa, ol erkekshora bola bastaıdy. «Men sulý bolǵym keledi, oǵan unaǵym keledi, turmysqa shyqqym keledi» degenmen «men úılenemin, men sulý bolamyn» degendi salystyryp kórińiz.
52. Ystyq lebizder. Qysymsyz, dóreki emes sóılesýdi úırenińiz. Áıeldiń ádemi, maıda tilmen sóıleýden kúshi eselenedi. Beıpil sóıleý áıeldik kúshin joıady.
53. Til alý. Salǵylasý, sóz jarystyrý sıaqty áreketter áıel kúshin urlaıtyn tirlikter. Jumsaq ári qarym-qatynasqa ashyq bolyńyz. Urysyp júrip erkekti baılap ustaý áıeldiń bolmysyn búldiredi. Erkek mundaı áıeldi qalamaıdy. Ol óz is-áreketimen oǵan ózin eske salyp turady.
54. Tósek qatynasynda óte talǵampaz bolý. Eger áıel birneshe erkekpen qatar kezdesetin bolsa, ol tez bosap qalady. Tek súıetin adammen ǵana bir bolyńyz. Kúıeýińiz bar bolsa, oǵan adaldyǵyńyzdy saqtańyz. Bir tanysa salyp tósektes bolýdan bas tartyńyz. Er adamdy qyzyqtyrý úshin kóp ýaqyt kerek. Kóp qýat ketedi. Ony tósekke shashyp almańyz.
55. Tazalyq. Úıińiz, tánińiz, sanańyz saý ári taza bolsyn. Úıde ýaqytyly tazalyq jasańyz. Ótken ómir týraly jaman oılardy saqtamańyz. Qýat-kúshińizdi kóterý úshin sýǵa túsińiz. Tazalyq kúsh beredi.
56. Ózińizdi mahabbatpen toltyryńyz. Óte mańyzdy nárse. Eger áıeldiń júregi mahabbat pen meıirimge toly bolsa, onda onyń kúsh-qýaty tasıdy. Eger sezimi bolmasa, onda erkekke de eshteńe bere almaıdy. Odan da zory bolýy yqtımal. Ol kúshti erkekten ala bastaıdy. Bul erkektiń tyǵyryqqa tirelýi. Jumyssyzdyq. Qarajatsyz qalýy bastalady. Dert meńdeıdi. Júregińizdi sezimsiz qaldyrmańyz. Ony únemi toltyryp otyryńyz. Áıel beretin jaq. Ol ne istese de mahabbatpen isteýi kerek.
57. Qoldanbaly ónermen aınalysý. Toqý, tigý, oıyp jasaý. Óz qolyńyzben ne isteı alsańyz, sony jasańyz. Áıeldiń qýatyn arttyratyn ister.
58. Ózińizge jáne ózge áıel zatyna maqtaý aıta júrińiz. Jaqsy sóz – jarym yrys. Jaǵymdy sóz áıeldi myqty ete túsedi. Ózge áıelder týraly jaqsy sóz aıtý qıyn bolsa, úndemeı qoıa salyńyz. Bul máseleni sheshýge tyrysý kerek. Ózge áıeldi qabyldamaý enemen, sheshemen, ápke-sińlimen yntymaqty bolmaýǵa ákeledi.Tatýlyqqa bastańyz.
59. Kez kelgen sátti, jaǵdaıdy mahabbatpen qabyldaý, bólisý. Jaqyndaryńyzdy qushaqtap, súıip qoıyńyz. Olarǵa tek jyly sózderińizdi aıtyńyz. Basqa adamdarǵa da tek jyly qabaq tanytyńyz. Kúnge de, jelge de, jańbyr men ishtegi muńǵa da tek jyly sóz aıtyńyz. Muń degen áıeldiń eń basty ustazy. Kez kelgen jekkórýshilik pen kúres áıeldi qańsytyp tastaıdy.
60. Gúl shoǵyn jasaýdy úırenińiz. Gúlmen jumys isteý áıelge qýanysh syılaıdy. Jańarý, jańǵyrýǵa bastaıdy.
61. Durys tamaqtaný. Óńdeýden ótpegen taǵamdardy tutynýǵa nazar aýdaryńyz. Baqshada ósip turǵan almanyń qýaty qandaı ekenin eske túsirińiz. Gambýrger jep kórińizshi sodan soń. Aıyrmashylyq sezile me?
62. Erkeleý. Erkeleý – áıelge tán qylyq. Jıirek erkeleńiz. Sonda ózińizdi túsinýge tyrysa bastaısyz.
63. Ońasha qalý. Úıde jalǵyz qalatyn sátterden shoshymańyz. Kúıeýge tek jalǵyzdyqtan qashyp shyǵýǵa bolmaıdy. Jalǵyz bolǵan sátterińizdi ózińizdi damytýǵa jumsańyz. Etekkir kelgen kúnderde áıel tek ózin ǵana oılaıdy ǵoı. Bul tabıǵattyń jasap bergen jeńildigi.
64. Jumsaq oıynshyqtar. Eger áli kúnge deıin jumsaq oıynshyq qushaqtap jatqandy jaqsy kórseńiz, ol úshin uıalmańyz. Áıelge jalǵyz jatýǵa bolmaıdy. Eger sezim men qamqorlyq jetispese, ózińizge jumsaq oıynshyq satyp alyńyz.
65. Aıdyń qýatymen jumys isteýdi úırenińiz. Aıly túnde dalaǵa shyǵyp júrińiz. Aıdyń nurymen ishetin sýdy qýattandyryńyz. Ony sosyn shomylǵan kezde paıdalanyńyz. Aıdan kómek surańyz. Áıelge tán dertter mazalaǵan kezde onyń kómegi kóp.
66. Sebepsiz syılyq. Ózge bir adamǵa tosynsyı jasańyz. Sodan ózińiz máz bolasyz. Áıel berýshi jaq. Bergen saıyn tolysa beredi.
67. Qaıyrymdylyq. Qýatpen bólisý. Eger kómektese alsańyz, jasańyz. Esh tartynbańyz.
68. Shashyńyzdyń túsin ózgertińiz. Eger ómirińiz bir sydyrǵy, ózgerissiz bolyp ketse, onda bastan aıaq ózgerińiz.
69. Jupar ıis. Sizden únemi ádemi ıis shyǵyp turýy kerek. Áıel – ol gúl. Jańa átir áıeldik qýatyńyzdy kúsheıtedi.
70. Arly bolyńyz. Ózińizdiń ózgesheligińizge senińiz. Áıel – jaratýshy jasaǵan eń ǵajap keremet. Siz ǵajapsyz! Siz sulýsyz! Óıtkeni, Siz áıelsiz!
Rýslan Narýshevıch
Aýdarǵan Shynar Ábildá
