​Elimizdiń el bolý shejiresi san túrli belesterden turady. Sol belesterdiń eń alǵashqysy ol elimizdiń Tuńǵysh Prezıdentiniń saılanýy bolatyn. Táýelsiz Qazaqstandy syndarly joldardan, san túrli belesterden qulatpaı, súrindirmeı alyp shyǵý úshin de úlken qajyr qaırat pen, ultyna, qazaǵyna degen súıispenshilik kerek edi.

​Osyǵan oraı búgin, Soltústik Qazaqstan oblysy Qorǵanys isteri jónindegi departamenti jáne qalalyq Qorǵanys isteri jónindegi basqarmasymen birlesken Tuńǵysh Prezıdenti kúni merekesine arnalǵan "Eli súıgen-elin súıgen Elbasy"- taqyrybynda saltanatty is-shara ótkizildi.

​Sharany SQO Qorǵanys isteri jónindegi departamentiniń bastyǵy polkovnık A.Tileýhanov  saltanatty túrde ashyp, qonaqtardy Tuńǵysh Prezıdenti kúnimen quttyqtady.

​- "1 jeltoqsan – bizdiń tarıhymyzdyń jańa aq paraǵy ashylǵan kún Táýelsizdikti tuǵyryna qondyrǵan, eldi erlikke jetkizgen Ult Kóshbasshysy 1 jeltoqsanda el tizginin ustady. Tuńǵysh Prezıdenttiń bastamalaryna qoldaý jasaı otyryp, elimiz kóp bıikti baǵyndyrdy. Osynaý el halqynyń birligi men berekesin ulyqtap, memlekettiń mereıin asyratyn mereke kúni Sizderge zor densaýlyq, otbasylaryńyzǵa baq pen bereke, shańyraqtaryńyzǵa shattyq tileımin"-dep jyly lebizin bildirdi.

​Tuńǵysh Prezıdent kúni qurmetine sondaı-aq Elbasymyzdyń "Rýhanı jańǵyrý"-baǵdarlamasyn iske asyrý maqsatynda, áskerı qyzmetshiler men qyzmetkerlerdiń balalary ulttyq ónerimizdi dáriptep, halqymyzdyń dombyra, jetigen sıaqty aspaptarynda sarqylmas baılyǵymyzǵa aınalǵan tól ánderdi, kúı-jyrlarymyzdy naqyshyna keltirip, Qurmanǵazy babamyzdyń, Qazanǵaptyń kúıleri men Muqaǵalı aǵamyzdyń Otan týraly óleńderi sahnada shyrqalyp,  kórkemónerlerin pash etti.  

​Kórermenderge Tuńǵysh Prezıdentimizdiń balalyq shaǵy, jas óspirim shaǵy, otbasy jaǵdaıy jáne jetken jetistikterimen tanysý úshin beınerolıkter kórsetildi.

Aıta keteıik,  ótkizilip jatqan is-shara balalardy patrıottyq sezimge tárbıeleı otyryp, shyǵarmashylyq qabiletterin ashady jáne de osyndaı ujymdyq is-sharalar jeke quramdy biriktiredi.