Astanada ataýly áleýmettik kómek alatyn turǵyndarǵa 10 822 teńgeden beriledi dep jazady Qamshy.kz aqparat agenttigi Astana  ákimdiginiń resmı saıtyna silteme  jasaı otyryp. 

1 jeltoqsan qarsańynda halyqtyń áleýmettik álsiz toptaryna jatatyn qalalyqtarǵa áleýmettik tólemder beriledi, dep habarlaıdy Astana ákimdiginiń resmı saıty. Járdemaqy ataýly áleýmettik kómekti alatyn astanalyqtarǵa beriledi. Bul sanatqa jan basyna shaqqandaǵy ortasha tabystary kedeılik sheginen tómen azamattar kiredi. Ol kúnkóris mınımýmynyń 50 %-yn quraıdy. Astana qalasynyń Almaty aýdandyq Jumyspen qamtý jáne áleýmettik qorǵaý basqarmasynyń áleýmettik tólemder taǵaıyndaý bóliminiń basshysy Inna Fılaretovanyń aıtýynsha, elordadaǵy kedeılik shegi - 16 497 teńge. Jaǵdaıy osy deńgeıden tómen adamdar jan basyna shaqqandaǵy ortasha tabys pen kedeılik sheginiń aıyrmasy kóleminde otbasynyń ár múshesine tólenetin qosymsha tólemdi alýǵa quqy bar.  Ataýly áleýmettik kómekti alýshylarǵa arnalǵan áleýmettik járdemaqynyń mólsheri 4,5 AEK quraıdy.