Endi olar dos, joldas jáne baýyr emes. 2014 jyldan beri eki el arasyndaǵy shıelenisken jaǵdaı qazir shyrqaý bıigine jetip tur. Kerch buǵazyndaǵy ustalǵan úsh kemeden soń eki el arasyndaǵy qarym-qatynas tipti kúrdelene tústi.
Munyń aıǵaǵy retinde keshe el prezıdenti Petr Poroshenko Ýkraınanyń Joǵary Radasyna Reseımen yntymaqtastyq pen dostyq týraly kelisimdi joıý jóninde jańa jobasyn usyndy. Bul týraly Prezıdenttiń parlamenttegi resmı ókili Irına Lýsenko málim etti.Jýrnalıserge bergen suhbatynda Irına Lýsenko «muny parlament sózsiz qabyldaýy tıis» habarlady.
Rasynda da Kerch buǵazyndaǵy oqıǵadan keıin Ýkraına Reseımen arada qol qoıylǵan ondaǵan kelisimdi buzdy, endi onyń zańdyq kúshi joq.
Tarıhqa júginer bolsaq, Reseı men Ýkrıana arasynda 1997 jyly dostyq, yntymaqtastyq jáne áriptestik týraly kelisimge qol qoıylǵany belgili. Endi mine kelisimdi buzýǵa eshkim de kedergi emes. Ony birjaqty joıa berýge de bolady. Eń basty kiltıpan mynada: 2014 jyldan bastap Maıdan alańynda bolǵan memlekettik tóńkeristiń nátıjesinde bılikke AQSH pen Batys tarapy qoldaǵan opozısıalyq top keldi. Sosyn...
Reseı jaǵy Qyrym Respýblıkasyn anneksıalady, Donesk men Lýgansk aımaǵyna ásker kirgizdi. «Normand tórttigi» Mınskide birneshe kezdesý ótkizip, jaǵdaıdy retteýge tyrysqanymen, áli qarym-qatynas kúrdeli kúıinde qalyp otyr.
