4 jeltoqsanda Almaty qalasynyń óńirlik komýnıkasıa qyzmeti alańynda Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń qatysýymen buqaralyq aqparat quraldarynyń ókilderimen brıfıń ótti. Brıfıń barysynda MQİSJ qarsy is-qımyl agenttiginiń Almaty boıynsha departament basshysy Danıar Taýmurat atap aıtqandaı, memlekettik qyzmetkerlerdiń múddelerin qorǵaý jáne qyzmet ornyn aýystyrýdy azaıtý maqsatynda, qalanyń memlekettik organdarymen birlesip, jumys ýaqytynan tys eńbek etý faktilerin anyqtaldy. Aıta ketsek, shuǵyl jáne kólemdi tapsyrmalardy oryndaý, jumys babynyń qyzmetshiler arasynda birkelki emes júktelýi jáne t.b. sıaqty sebepter anyqtalǵanyn habarlady. Birqatar memlekettik organdarda qabyldanǵan sharalar nátıjesinde jumys ýaqytynan artyq jumys istegen qyzmetkerlerdiń kompúterleri avtomatty túrde sóndiriledi (statısıka departamenti, eńbek jáne áleýmettik qorǵaý departamenti jáne t.b.), al kirýdi baqylaý jáne basqarý júıesi(SKÝD) kúndelikti negizde memlekettik qyzmetshilerdiń jumys ýaqytynyń rejımin monıtorıńileýge múmkindik berdi.