Seısenbi kúni sýdıa moldavan Anatol Statıdiń, onyń uly Gabrıeldiń daýdy aǵylshyn sotynyń qaraýyna negiz joq degen aryzyn keri qaıtardy.
Qazaqstan munaı-gaz sektoryna ınvestısıa salǵan Statıler menshigin memleket reıderlikpen basyp aldy deıdi. Olar tórt mıllıard dollar shyǵyndy óteýdi talap etken. Statılerdiń Ascom Group ı Terra Raf Trans Trading kompanıasy bunyń aldynda halyqaralyq arbıtrajda Qazaqstanǵa qarsy 500 mıllıon dollardyń isin jeńgen. Aıyptaýlardy joqqa shyǵarǵan Astana sot sheshiminiń kúshin joıý úshin sotqa júgingen.
Qazaqstan ádilet mınıstrliginiń sársenbi kúni habarlaýynsha, sýdıa Naıdjel Tır Moldova kásipkerleriniń shaǵymyn qaıtarǵan soń, daý aǵylshyn sotynda qaralady deýge bolady.
Qazaqstannyń mıllıardtaǵan dollar aktıvin ótken jyldyń aıaǵynda New York Mellon (BNYM) banki buǵattady. Buǵan Statı aryzy sebep boldy. BNYM áýeli 22 mıllıard dollardy buǵattasa, keıin bul qarajat 530 mıllıon dollarǵa azaıǵan.
