7 jeltoqsanda ótetin TravelMediaTalks baǵdarlamasy BAQ, memlekettik organdar ókilderi men marketologtar úshin arnaıy eki sheber-saǵattaryn qamtıdy.

Sheber-saǵattaryn trevel-jýrnalıstıka jáne týrızmdi kótermeleý boıynsha jattyqtyrýshy, «Voıaj» jýrnalynyń bas redaktory, 25 ekskýrsıalyq jobalarynyń avtory jáne che-che.ru saıtynyń blogeri, Reseıden arnaıy shaqyrtylǵan Olga Cherednıchenko júrgizedi.

Alǵashqy trenıńtiń ataýy «Saıahat týraly ne jáne qalaı jazý kerek. Saıahat-jýrnalıstıkasyndaǵy sońǵy úderister». Atalmysh trenıń BAQ ókilderine, blogerlerge, qoǵamdyq pikir kóshbasshylaryna ásirese paıdaly bolmaq. Semınarǵa qatysýshylar trevel-jýrnalıstıka álemindegi sońǵy úderister qandaı, saıahat týraly mátinderdi qurý jáne taratý úshin ne bilý qajet, sonymen qatar saıahattan alǵan áserdi ózin-ózi damytýǵa qalaı baǵyttaý kerek ekendigin bile alady. Olga Cherednıchenko el men álem týraly posttardy qalaısha sońyna deıin oqýǵa qumarlanatyndaı etip jazý kerek jáne áleýmettik jelidegi dostarǵa ony taratý taqyrybyna erekshe kóńil bóletin bolady.

«Men Qazaqstandaǵy shyǵarmashylyq top ókilderin otandyq saıahat-jýrnalıstıkasyn damytýda ózindik úles qosýlary úshin shabyttandyrý maqsatynda jeke ózimniń kózqarasymmen bóliskim keledi.

Mátin jazý úlgileri, senarıstterdiń ádisterin qoldana otyryp oqıǵalardy aıtý, jeke brend jelisin qurý, SEO jáne SMM arqyly blog júrgizý, óz eńbegindi jetildirip, tapsyrystardy, baılanystar men pres-týrlardy izdep tabý sekildi tájirıbelik daǵdylar trevel-jýrnalıstter úshin asa mańyzdy. Biraq, bul mamandyqta meniń oıymsha, budan da mańyzdyraq nárse bar.

Saıahattaý – eń myqty psıhoterapıa quraly ekendigine senemin. Arnaıy kiltińiz bolsa ǵana... Sizdiń jolyńyzda kezdesetinderdiń barlyǵy Sizdiń ishki jumysyńyz úshin dál qazirgi ýaqytta eń kerek bilim. Sondyqtan da sońǵy 11 jyldan beri men joǵaryda atap kórsetkenderimnen bólek, saıahattaýdan alǵan áserdi ózin-ózi damytý energıasyna aınaldyrý quraldaryn zerttep, eń qajetin tańdap kelemin.», - deıdi Olga Cherednıchenko.

Olganyń ekinshi semınary eń aldymen saıahattaý marketıńimen baılanysty bolyp, «Týrızmdi qalaı damytý kerek» jóninde. Bul semınar BAQ jáne blogerlermen tıimdi jumys jasaý boıynsha trenıń formatynda ótkiziledi.

Olganyń «Týrızmdi damytý» sheber saǵaty týrızm salasyndaǵy memlekettik organ, kásipkerler, týroperatorlar, birlestikter men agenttikterdiń ókilderine ásirese paıdaly.

Trenıń qatysýshylary búgin de týrızmdi nasıhattaýda qandaı ádister eń ótimdi, týrızmdi damytý joldarynyń ishindegi eń tıimdileri jáne olardy qalaı júzege asyrý kerektigi jóninde bile alady. Olga jergilikti deńgeıdegi jarnamaǵa erekshe kóńil bóle otyryp, jyltyr jýrnaldar, BAQ jáne jeke blogtarynda júrgizgen sátti tájirıbesindegi saıahat týraly keıstermen de bólispekshi.

Sondaı-aq, Olga ártúrli aýmaqtar men memleketterdegi, sonyń ishinde Qazaqstandaǵy da týrıstik brendti qalyptastyrý salasyndaǵy negizgi quraldar men mindetterdi eksperttik baǵalaýymen bólisedi.

«Men buryn-sońdy Qazaqstanda bolyp kórmedim. TravelMediaTalks medıa-forýmy sizderge alǵash baryp kórýde sebepker bolyp otyr. Biraq, men kópten beri Qazaqstandy kórýdi armandap kelemin. Birinshiden, meniń joldasymnyń ultynyń tórtten bir bóligi – qazaq. Ekinshiden, revolúsıa jáne azamattyq soǵys kezeńinde meniń úlken atam Qarqaraly mańynda taý-ken zaýytynyń bas ınjeneri bolǵan. Men onyń jergilikti turǵyndardy sıpattap jazǵan hattaryn saqtap qoıdym.

Qazaqstan týraly estigende eń aldymen oıyma keletini - Astananyń «tas jýnglılary», óńirlerdegi ózge tabıǵat, «Dıkoe pole» reseılik fılmi, baqsylar jáne eń aýqymdy iskerlik sharalary. Menińshe, astananyń zamanaýı stıli men tabıǵat tazalyǵynyń energıasy – Qazaqstannyń ózindik el brendi sekildi. Bıznes jáne eko-týrızm de. Solaı ma, men durys aıttym ba?» - dep Olga pikirin bildire otyryp, josparlanyp otyrǵan forýmnyń negizgi mindetteriniń biri – Qazaqstanda otandyq týrıstik brendin qurý boıynsha bar úlgilerdi tanystyrýǵa aıryqsha mán berýde. Atalmysh bólim TravelMediaTalks-tegi basty sharalarynyń biri bolmaq.

Aıta keteıik, Olga Cherednıchenko MMÝ-de jýrnalısıka fakúltetin támamdady, Parıjde tájirıbeden ótti, «Mosfılmde» senarıst, «Eksmo» baspasynda týrıstik ádebıettiń redaktory, TNT pıarynda redaktor, MTV pıarynda bas redaktor bolyp qyzmet etti, Cosmoda bóligin júrgizdi.

RBK, Elle, Moskva-24 kanaly, TASS aqparat agenttigi, «Vestı», «Maıak» radıotolqyndary, «Komsomolskaıa pravda» jáne kóptegen BAQ Olganyń jolsiltemelerin oqýǵa usynady. Onyń «Parıj boıynsha qyzǵylt tústi jolsilteme» atty týyndysyn 100 myńnan asa adam satyp aldy.

Búgin de Olga MMÝ-niń jýrnalısıka fakúltetinde, Joǵarǵy Ekonomıka mektebinde, VisitRussia, «Otdyh», «Krasnaıa ploshad», MMKVÁ, «Bıblıonoch» festıválderi men kórmelerinde dáris oqıdy. Reseı jáne kórshi elderdegi týrızm mınıstrlikteriniń shaqyrtýlary boıynsha kóshpeli semınarlar ótkizedi. 

2018 jyly «Voıaj» saıahat týraly reseılik kóne jýrnaldyń rebrendıngin ótkizdi.

TravelMediaTalks forýmy 7 jeltoqan kúni Astana qalasy, Marriott qonaq úıinde saǵ.09:00-de bastaý alady. Sharanyń basty taqyryby – «Jahandyq sıfrlandyrý kezeńindegi týrızm: jańa tolqynǵa baǵyt».

Jobanyń negizgi tujyrymdamasy dıskýssıalyq alań men TED Talks sheńberinde júzege asqan kópshilik aldynda sóıleý formaty tájirıbesiniń elementterimen birlesken, qysqasha prezentasıalyq kórsetilimderi, dáristeri men sheber-saǵattary bar jeke spıkerlerge júktelgen negizgi róldi qamtıdy.

Shara aıasynda elimizdiń týrıstik brendi tujyrymdamasynyń kórsetilimi men onyń medıa-ındýstrıa jáne marketıń salasyndaǵy múmkindikteri jóninde prezentasıasy ótedi.

Sondaı-aq, baǵdarlama bolashaqtaǵy týrızmniń damý jospary men ǵalamdyq úderisteri jóninde aıtylatyn pikirtalas alańyn, trenıńter men semınarlardy qamtıdy.

Kúni boıyna 6 memleketten, onyń qatarynda Velıkobrıtanıa, Reseı, Ýkraına, Belorýssıa jáne Qyrǵyzstannan kelgen týrızm jáne medıa salasyndaǵy sarapshylar ózderiniń jeke kózqarastarymen bólisetin bolady.

Zamanaýı týrıster beınesi qandaı jáne ol digital-ózgerister áserinen qalaı ózgeredi? Qazaqstan óziniń memlekettik týrıstik brendin qalyptastyra aldy ma? Salany damytýdaǵy negizgi kedergi qandaı? Nelikten storıtellıng, kontent-marketıng jáne ıvent-menedjment týrıstik marketıńtiń eń tıimdi quraldary bolyp keledi? Aýdıtorıamen baılanys ornatýda týrıstik ındýstrıa

qandaı máselelerge tótep berýi qajet? Osy jáne ózge de suraqtarǵa TravelMediaTalks spıkerleri jaýap beredi.

Forým uıymdastyrýshysy Qazaqstan Respýblıkasy mádenıet jáne sport mınıstrligi týrızm ındýstrıasy komıtetiniń qoldaýymen «KazakhTourism» ulttyq kompanıasy» AQ bolyp keledi.

Forýmǵa kirý tegin. Tirkelý tómendegi silteme arqyly: https://docs.google.com/forms/d/e/1FAIpQLSe0yOQP4KnZd0iA9GFc7iZM9gajMHCLphJHB_9E1KcpgtZISQ/viewform