«Qazaqstan-2050» Demokratıalyq kúshterdiń ulttyq koalısıasynyń otyrysy barysynda «Aq jol» partıasynyń tóraǵasy Azat Perýashevtiń aıtýynsha, Qazaqstan Prezıdentiniń Joldaýy halyqtyń kózin taǵy bir ashty, oı-sanany ózgertti. Memleket basshysy damýdyń basty qundylyǵyn atap ótti, muny ekonomıka emes, saıasat emes, qarapaıym adam ekenin taǵy aıtty.
«Men ózimniń áriptesterimniń nazaryn osy Joldaýdyń erekshelikterine aýdarǵym keledi, biz Elbasymyzdyń Joldaýynan usynystar men bastamalardan burynǵy jaǵdaıdy taǵy bir ózektendirýdi kútip júrgen bolatynbyz, biraq alǵash ret mynaǵan kózimiz jetti, bizdiń damýymyzdyń túpki maqsaty men negizgi qundylyǵy degenimiz - bul ekonomıka nemese saıasat emes, qarapaıym adam, áleýmettik qyzmetterge qoljetimdilik, ómir sapasy, Konstıtýsıamen qamtamasyz etilgen jeke qadir-qasıet quqyǵy, ómir súrý múmkindigi, sonyń ishinde qalaǵan jerde jáne ózi úshin qajetti deńgeıde ómir súrý», - dedi Perýashev.
Ol munyń jaı ǵana sóz emes, bul Konstıtýsıada bekitilgen mańyzdy, baǵaly dúnıe ekenin taǵy bir eske saldy.
«Prezıdent osy turǵydan alǵanda, ózimizdiń Konstıtýsıamyzdyń shynaıy kepili ekendigin taǵy da dáleldedi.Sonymen qatar, ekonomıka, bıznes jáne saıasat, ásirese álemde bolyp jatqan oqıǵalar – munyń bári ekinshi orynda. Ózgeleri saýda sanksıalarynyń ádisimen, kez-kelgen jerde shabýyl, daý-damaımen, qarý-jaraqpen qıyndyqtardy sheshýge tyrysyp jatsa, shalqyǵan, asyp-tasqan baılyǵy bolmasa da, Elbasymyz elimizdiń árbir azamaty úshin qalypty laıyqty ómirdi qamtamasyz etý úshin múmkindikter tapty jáne qarajat jiberdi. Meniń oıymsha, muny áste baǵalaı bilgenimiz durys », - fraksıa basshysy.
Budan basqa, ol salyq amnıstıasyn júrgizý týraly usynys bıznes úshin óte mańyzdy ekenin atap ótti.
«Bizdiń fraksıa úkimetke birneshe ret salyq salýdy shekteý týraly erejeni azaıtý týraly usynyspen birneshe ret ótinish bildirdi, kem degende, Reseıdegi sekildi bes jyldan úsh jylǵa deıin azaıtýdy usyndyq. Al qazir bizde Memleket basshysynyń saıasaty arqasynda bul taqyrypty jańasha jańartyp otyrýdyń óte jaqsy múmkindigi bar. Qazir men Demokratıalyq kúshterdiń ulttyq koalısıasynyń áriptesterine úndeý jasaımyn, biz Úkimetke ótinish jasaımyz jáne kásipkerlerge qatysty osyndaı mańyzdy qadamdardy jasaı alamyz, salyqty shekteý merzimin qysqartý úshin bizge qoldaý kórsetýdi suraımyz», - dep sózin qorytyndylady Azat Perýashev.
