Mundaı tyń aqparatty Almaty qalasynyń Óńirlik komýnıkasıalar qyzmetinde ótken brıfıńte Almaty qalasy kásipkerler Palatasynyń dırektory Telebaı Baǵdat Ǵazızuly  habarlady. 

Onyń aıtýynsha, Almaty - bul saýda jáne qyzmet kórsetý qalasy, ekonomıkanyń osy sektory JÓÓ-niń 80% - dan astamyn quraıdy. Sońǵy jyldary saýda salasyn kóleńkeden shyǵarý boıynsha júıeli jumys júrgizilýde. Osylaısha, 57 bazardyń 16 – sy jańǵyrtyldy (2020 jylǵa deıin-29).  24 SOO ashyldy (jyldyń sońyna deıin-2). 3 jyl ishinde saýda salasyn damytýǵa 240 mlrd. teńgeden astam jeke qarajat salyndy. 2018 jyldyń shilde aıynda Kásipkerler Palatasy problemalyq máselelerdi anyqtaý úshin qala bazarlaryna pasporttaý júrgizdi. Negizgi problema -bul bazarlardy qazirgi zamanǵy formatqa ótkizýde, bazarlardy jańǵyrtý úshin bazardaǵy menshik ıeleriniń qarajaty jetkiliksiz. Biz «Jibek Joly» óńirlik baǵdarlamasy aıasynda maqsatty qarjylandyrý múmkindigi týraly másele kóterdik. Búgingi bólshek saýda kólemi 2018 jyly 2125,1 mlrd. teńgeni qurady bul 2017 jylǵa qaraǵanda 112,9 paıyzǵa ósken.  Kóterme saýda kólemi 2018 jyly  7499,3 mlrd. teńgeni qurady al bul 2017 jylǵa qaraǵanda 101,5 paıyzǵa ósken.  Bólshek saýdanyń jalpy kólemindegi Almaty qalasynyń úles salmaǵy 29.7 % quraıdy – dep sózin aıaqtady B.Telebaı.