Búgin Almaty qalasy Óńirlik komýnıkasıalar qyzmeti alańynda - "QazjolǴZI" AQ prezıdenti, tehnıka ǵylymdarynyń doktory, profesor, akademık Teltaev Baǵdat Burhanbaıulynyń qatysýymen baspasóz konferensıasy ótti.
Baǵdat Burhanbaıulynyń sózine súıensek, ınstıtýt ǵylymı jáne ǵylymı-tehnıkalyq jumystarmen aınalysý úshin Ǵylym jáne bilim Mınıstrligi tarapynan akredıtasıalanǵan. Synaq zerthanasy tehnıkalyq quzyrettilikke Memstandartpen akredıtasıalanǵan. Instıtýt sapa menedjmenti sáıkestiginiń sertıfıkatyna ıe. Instıtýt bazasynda standarttaý jónindegi tehnıkalyq komıteti TK-42 «Avtomobıl joldary» qurylyp, jumys atqarýda.
Instıtýttyń sońǵy jyldardaǵy negizgi qyzmet baǵyttary:
- avtojol salasynyń normatıvtik-tehnıkalyq bazasyn jetildirý;
- joldar men kópir qurylystarynyń tehnıkalyq deńgeıin kóterý, uzaq merzimdi bolýy men únemdiligine jáne qozǵalystyń qaýypsizdigin arttyrýǵa baǵyttalǵan jańa tehnıkalyq sheshimderdi ázirleý maqsatynda ǵylymı zertteýlerdi júrgizý;
- ınovasıalyq tehnologıalar men materıaldarǵa baıqaý júrgizý, engizý jáne olardy keń aýqymda paıdalaný úshin normatıvtik-tehnıkalyq qujattar ázirleý;
- ınovasıalyq sheshimderdi engizýde ǵylymı-tehnıkalyq ilespe jumystar;
- joldar men kópir qurylystaryn dıagnostıkalaý, joldar men kópirlerdi basqarý júıesin ázirleý;
- qarjylandyrý normatıvterin, joldardy jóndeý jáne kútip ustaý jumystarynyń normalary men baǵalaryn negizdeý;
- joldar men kópir qurylystarynyń qurylysy men qaıta qurylymyna, kúrdeli jóndeý jumystaryna jańa tehnıkalyq sheshimderdi qoldaný arqyly joba-smetalyq qujattama ázirleý;
- materıaldar men jumystar sapasynyń táýelsiz saraptamasyn jasaý;
- jol salasy qyzmetkerleriniń biliktiligin arttyrý;
- aqparattyq qamtamasyz etý.
