Búgin Almaty qalasy Óńirlik komýnıkasıalar qyzmeti alańynda  «Órleý» biliktilikti arttyrý ulttyq ortalyǵy» Aksıonerlik qoǵamynyń fılıaly Almaty qalasy boıynsha pedagogıkalyq qyzmetkerlerdiń biliktiligin arttyrý ınstıtýtynyń dırektory Sadvakasova Raısa Ajdarovnanyń  qatysýymen baspasóz konferensıasy ótti.

2018 jyly qysqa merzimdi kýrstarǵa tómendegi baǵyttar boıynsha memlekettik tapsyrys alyndy: Býkvar jáne Álippeni oqytý ádistemesi boıynsha mektepaldy synyptarynyń pedagogteri úshin kýrsta – 125 muǵalimdi daıarlyqtan ótkizý jospary belgilendi. Muǵalimderdiń kásibı quzyrettiligin damytý boıynsha pándik kýrstar: matematıka, fızıka, hımıa, bıologıa, «Ólketaný» pánderi boıynsha 125 adam qamtyldy. Jańartý tek bilim berý mazmunyna ǵana emes, kýrs sabaqtaryn ótkizý formatyna da eleýli ózgerister ákeldi. Atap aıtar bolsaq: dástúrli leksıa, sheber-synyp, pikirsaıystarmen qatar trenıń, tájirıbege-baǵdarlanǵan semınarlar, kóshpeli tájirıbelik sabaqtar. Kýrs kezinde jáne kýrsaralyq, kýrstan keıingi kezeńde keri baılanystyń ártúrli formalary keńinen qoldanylady. Instıtýtta Marıa Montessorı ádisterin zerdeleý boıynsha kafedralyq jumystar, mektepaldy daıarlyq tobyndaǵy balalardyń metakognıtıvtik daǵdylaryn damytýda ertegiterapıasynyń elementterin paıdalaný tájirıbesi,«Rýhanı jańǵyrý» baǵdarlamasynyń ıdeıalaryn engizý (ólketaný, robototehnıka, SMART-oqytý) kýrstar, memlekettik til mártebesin kóterý, latyn álipbıine kóshý máseleleriniń tıimdi sheshimin qarastyrý, ınklúzıvti bilim berý mindetterin júzege asyrý, úsh tildi bilim berý jaǵdaıynda CLIL ádistemesi arqyly oqytylatyn tilde pánderdi júrgizý. Jalpy jaratylystaný-matematıkalyq baǵyttaǵy pán muǵalimderi úshin STEM oqytý ıedeıalaryn engizý boıynsha kóptegen jumystar atqaryldy. Atqarylatyny budan da kóp.

Halyqaralyq, respýblıkalyq ǵylymı konferensıalar men ǵylymı ádistemelik semınarlarda sapasy anyqtalǵan, baıqaýdan ótken materıaldar negizinde joǵaryda aıtylǵan baǵyttar boıynsha biliktilikti arttyrý kýrstarynyń baǵdarlamasy ázirlenýde.

2018 jyldyń alǵashqy jartyjyldyǵynda kafedralardyń profesorlyq-oqytýshylar quramynyń ǵylymı 40 (qyryq) ıdeıalary konferensıada baıqaýdan ótti, onyń 7-i halyqaralyq deńgeıde, 2-i respýblıkalyq deńgeıde boldy. Sonymen qatar, basym baǵyttar boıynsha bilim berý uıymdarymen birlesip, 9 ǵylymı joba júzege asyryldy. Qazir onyń 3-i naqty nátıjege ıe:

     - kóptildi bilim berý jobasy boıynsha aǵylshyn tilin meńgergen (bul týraly joǵaryda aıtyldy) pándik-koýchtar toby daıyndaldy;

- «Robo-arba» jobasy;

- ertegi terapıasy. 2018 jyldyń 27 shildesinde bilim berýdegi ınovasıalar boıynsha Toronto qalasynda ótken úshinshi halyqaralyq konferensıa jınaǵyna mektepke deıingi jastaǵy balalardyń metakognıtıvti daǵdylaryn damytýda ertegiterapıasynyń elementterin paıdalanýdy zertteý tájirıbesiniń nátıjeleri jarıalandy. Zertteý jumysy jalǵasýda, ózimiz kútken nátıjege jetemiz degen úmittemiz. Qazaq tilinde oqytatyn mektepterde dúnıejúzi tarıhy pánin orys tilinde, orys tilinde oqytatyn mektepterde Qazaqstan tarıhy pánin qazaq tilinde ótkizý úshin CLIL ádistemesi boıynsha zertteý jumystary júrgizilýde.Osy jerde sheteldik áriptesterimizdiń qoldaýyn atap ótkim keledi. Ásirese, kóptildi bilim berý boıynsha jobalardy júzege asyrýda AQSH elshiligi, Brıtandyq Keńes, EQYU jáne Fransýz Alánsymen tyǵyz qarym-qatynasta jumys atqaryp kelemiz.

Almaty qalasy boıynsha Pedagogıkalyq qyzmetkerlerdiń biliktiligin arttyrý ınstıtýty AQSH elshiliginiń baǵdarlamasymen RELO konkýrsyna qatysyp, grantty jeńip aldy jáne qazirgi ýaqytta til mamany Vanda Sımpson ınstıtýt bazasynda oqytý ádistemesin jetildirý boıynsha aǵylshyn tili muǵalimderi úshin aptasyna eki ret jáne aǵylshyn tilinde sabaq júrgizetin pán muǵalimderine bólek dáris berip júr.

Instıtýtta muǵalimderge kýrstan keıin qoldaý kórsetý maqsatynda ártúrli is-sharalar uıymdastyrylady. Ol – birlesip konferensıa, semınarlar ótkizý, pedagogti qyzyqtyratyn taqyrypqa ádistemelik oqý quralyn ázirleý jáne ǵylymı maqalalar jazý, joba jumystaryn talqylaý.