Búgin Almaty qalasy Óńirlik komýnıkasıalar qyzmeti alańynda - Almaty qalasy Alataý aýdanynyń ákimi Ryspaev Shahmerden Syrtbaıulynyń qatysýymen baspasóz konferensıasy ótti. Alataý aýdanynyń salyq túsimderi 10 jylda 6,5 mllıard teńgeden 28 mıllıard teńgeden asty.
Respýblıkalyq búdjet 3,7 mlrd. teńgeden 16,1 mlrd.teńgege, al jergilikti búdjet 2,8 mlrd. teńgeden 11,8 mlrd. teńgege jetti.
Búgingi kúni Alataý aýdanynda 176 ónerkásip jumys isteıdi, onyń ishinde 6 iri-orta ónerkásipter, 4761 zańdy tulǵa jáne 21 206 jeke kásipkerler tirkelgen.
10 jylda aýdannyń ónerkásip salasynda óndirilgen ónimniń kólemi 2,5 mıllıardtan 74 mlrd. teńgege jetti, ónerkásip salasyndaǵy ónimniń kólemi 103,7 % qurady.
Bul kórsetkishter kásipkerlik pen ónerkásip salasynyń qarqyndy damý jolynda ekendigin kórsetedi.Aýdannyń negizgi kapıtalyna salynǵan ınvestısıa kólemi 59 mıllıardqa jetip, jumysshylardyń ortasha eńbekaqysy 136 000 teńgeni qurady.
Bólshek taýar aınalymy 889 mln. teńgeden 849 mlrd. teńgege jetip, kóterme taýar aınalymy barlyq qyzmet túri boıynsha 601 mlrd. teńgege ósti.
Sonymen qatar, «Almaty qalasynda saýda bazarlaryn jańǵyrtý» baǵdarlamasy aıasynda aýdandaǵy «Alataý-2», «Aqbulaq» saýda ortalyqtarynyń 1-2 bloktary, «Saıahat», «Evrazıa» zamanaýı saýda ortalyqtary salynyp, qazirgi tańda «Alataý-2», «Aqbulaq» saýda ortalyqtarynyń 3-4 bloktarynyń qurylysy júrýde.
«Indýstrıaldy-ınnovasıalyq damý» memlekettik baǵdarlamasy aıasynda 490 gektar jer aýmaǵyn quraıtyn Indýstrıaldy aımaqtyń qurylysy júrýde. Atalǵan aımaqta taǵam, farmasevtıka, jeńil, jıhaz, hımıa, kólik jasaý, qurylys ónerkásipteri anyqtalǵan.
Kásiporyndardyń jumysy úshin eń aldymen ınjenerlik júıelerdi salý jumystary júrgizildi: 22,3 shaqyrym jol, 7,7 shaqyrym temir-jol, 27,8 shaqyrym sý, 16,7 shaqyrym káriz qubyrlary, 4,65 shaqyrym elektr jelileri jáne 17,7 shaqyrym gaz qubyrlary tartyldy.
Qazirgi tańda, Indýstrıaldy aýmaqta 5 joba iske qosyldy. Olar: «BRB APK»-jylyjaıy, «Alma Pack» JSHS – qaǵaz paketterin óndiriretin zaýyt, «DOC Co.LTD» JSHS-keńse tehnıkasyna arnalǵan kartrıjderdi shyǵaratyn zaýyt, «KMK Investment» JSHS – kabeldi-sym ónimderin shyǵaratyn zaýyttyń qurylysy,«Tokyo Rope Almaty» JSHS – metal gabıon toryn jasaıtyn zaýyty.
Kelesi jyly qosymsha 8 kásiporynnyń ashylýy josparlanýda. Olar:
1."KSM TehnOVID" JSHS – Energıa únemdeıtin arhıtektýralyq qasbetter zaýyty.
2."Hardstone" JSHS –Tabıǵı tastardardy qaıta óńdeý zaýytyn kóshirý.
3.«KazTigerTape» JSHS – Jabysqaq taspa men sozylǵan plenka óńdiretin zaýyty.
4."Asia Steel Pipe Corporation" JSHS – Úlken dıametrli dánekerlengen bolat qubyrlaryn shyǵaratyn zaýyt.
5."G.S.G. Vysotnık" JSHS – Avtoklavty gazdalǵan beton óndirisi zaýyty.
6."Almerek" JSHS – Medısınalyq maqsattaǵy buıymdardy bir ret qoldanýǵa arnalǵan zaýyt.
- "ASSET" JSHS – Polımerlik ónimderdi shyǵaratyn zaýyt.
- "Group NAK 8" JSHS – Muzdatylǵan qamyrdy óndirý zaýyty.
Alataý aýdanynda 37 376 jeke jáne 537 kópqabatty turǵyn úıler ornalasqan.
Sondaı-aq, 3 jol aıryǵy, 18 aspaly jaıaý júrginshilerge arnalǵan kópirler salyndy.
10 jylda aýdan aýmaǵynda «Aqbulaq», «Alǵabas-6», «Saıaly» yqshamaýdandary men «Aqkent», «Nurkent», «Atletıkalyq aýyl» turǵyn úı keshenderi boı kóterdi. Búgingi tańda 372 úı salyndy, jalpy kólemi 2,3 mln. sharshy metrdi quraıdy, ıaǵnı qala boıynsha turǵyzylyp jatqan úılerdiń 1/5 bóligi Alataý aýdanyna tıesili, turǵyn úılerdi paıdalanýǵa berý 30 esege ulǵaıdy. Búgingi kúni aýdanda 12 519 páterden turatyn 740 562 sharshy metrdi quraıtyn 223 kópqabatty turǵyn úıler salynýda.
2017 jyly jeke ınvestısıa esebinen 11 kópqabatty úılerdiń qaspetterine jóndeý jumystary júrgizilse, bıylǵy jyly 20 kópqabatty úılerdiń qaspetterine jóndeý jumystary júrgizildi.
«Almaty qalasynyń aýlalaryn kóriktendirý» baǵdarlamasy aıasynda 2012 jyly 42 aýla, 2016 jyly 8 aýla, 2017 jyly 15, 2018 jyly 20 aýlada kóriktendirý jumystary júrgizildi. 2019 jylǵa taǵy 10 aýlaǵa kóriktendirý jumystary josparlanýda.
Dat arhıtektory Ian Geıldiń tujyrymdamasy aıasynda B.Momyshuly kóshesiniń boıy Raıymbek dańǵylynan bastap «Almaty Arena» sport keshenine deıingi aralyqta velojol, balalar oıyn alańdary, fýtbol jáne basketboldan shaǵyn sport alańdary, jattyǵý quraldary ornatyldy.
Sonymen qatar, Rysqulov dańǵylynyń boıy Saın kóshesi men Sháripov kóshesiniń aralyǵynda 4400 metr porebrıka, 350 metr bordúr, 550 sharshy metr trotýar, 180 sharshy metr kespe tas, 2 balalar oıyn alańdary, 1 fýtbol jáne 1 basketbol alańdary salyndy.
«Alǵabas-6» yqshamaýdanyndaǵy Aqyn Sara kóshesinde 3200 porebrıka, 150 metr bordúr, 2950 metr asfált jáne velosıped joly, 3 vorkaýt alańdary, 2 balalar oıyn alańdary men 2 múmkinshiligi shekteýli azamattarǵa arnalǵan alańdar salyndy.
«Saıaly» yqshamaýdanyndaǵy saıabaqta 2550 metr porebrıka, 3195 metr asfált, 75 kóshe jaryq baǵanalary, 2 balalar oıyn alańdary men 8 dana altybaqan ornatyldy.
Aýdan aýmaǵynda ornalasqan 4 jerasty jaıaý júrginshiler ótkelderine 43 mln. teńgege jóndeý jumystary júrgizildi.
Qazirgi tanda aǵymdaǵy jóndeý jumystarynyń tolyǵymen aıaktaldy. Jerasty ótkeliniń shatyry polıkarbonat materıalymen jabylyp, ótkeldiń ishine evro standartty tósemeler jáne taktıldi taqtaıshalar ornatyldy, ótkeldiń jer astymen ótetin bóliginiń tóbesine sofıt jáne antıvandaldyq jaryqtandyrý shamdary qoıyldy. Sonymen qatar, beınebaqylaý júıesi jáne ótkelderde áýen oınatyp turatyn mýzykalyq qurylǵylar ornatyldy.
Qazirgi ýaqytta aýdannyń 45 kóshesine kóshe jaryq jelileri tartylýda. Qazirgi tańda josparlanǵan 581 svetodıod shamdarynyń 350-i qoıylyp, 19 shaqyrymdy quraıtyn symdardyń 14 shaqyrymy aýystyryldy.
Sonymen qatar, aýdan aýmaǵyndaǵy 15 kóshede 730 jaryq berý baǵanalaryn qoıý josparlanǵan. Qazirgi tańda F. Ońǵarsynova (Aqsaı) kóshesińde 149 baǵana, Ótemisuly kóshesinde 49 baǵana, Sentralnaıa (Trýdovık) kóshesinde 54 baǵana ornatyldy.
Tótenshe jaǵdaılardyń aldyn-alý úshin 2016 jyly uzyndyǵy 1709 metrdi quraıtyn aýdannyń 10 kóshesine aryq júıelerin jóndeý júrgizildi. 2015 jyly «Qarǵaly» ózeninen «Alǵabas» yqshamaýdanyndaǵy 11 kósheni, 135 jeke úılerdi jáne «Teploenergetık», «Energostroıtel» saıajaılarynda 9 jeke úılerdi sý basýyna baılanysty tótenshe jaǵdaılardyń aldyn-alý úshin tıisti qurylys jumystary júrgizildi.
Atap aıtsaq, «Alǵabas» yqshamaýdanyna 597 mln. 341 myń teńge bólinip, 5120 metr aryq lotoktary, 2645 metr drenaj júıesi, jeke úılerge kiretin 194 jeke turǵyn úılerge kirý joldary, 25 244 sharshy metrdi quraıtyn 5604 metr asfált tóseldi.
Sondaı-aq, 3096 metr ózen arnasy kúsheıtildi, 4150 metr temir qorshaýlar, 25 ótpeli kópir, 310 metr aryq júıeleri salyndy.
Sonymen qatar, sý basyp qalý qaýipiniń aldyn-alýy maqsatynda, «Qurylysshy», «Qarasý», «AZTM-Alǵabas», «13-aýmaq», «Zará Vostok» yqshamaýdandarynda 1 mlrd. 310 mln. teńgege 5299 metr aryq lotoktary, 2741 metr plasıkalyq qubyr, 32 jelilik qudyqtar jáne 4447 sharshy metr asfált salyndy.
2019 jyly tıisti qarajat bólý maqsatynda kelesideı jumystarǵa tapsyrystar berildi. Olar:
- 144 mln. teńgege Rysqulov dańǵylynyń boıy Momyshuly men Sháripov kósheleriniń aralyǵynda jáne Soltústik aınalym kóshesiniń boıyndaǵy jaıaý júrginshiler alańyn kóriktendirý;
- 124 mln. teńgege uzyndyǵy 4,5 shaqyrymdy quraıtyn 13 kóshege aryq júıelerin jóndeý;
- 23 mln. teńgege 18 jerústi jaıaý júrginshiler kópirlerine kúrdeli jóndeýge jobalyq-smetalyq qujattama daıyndaý;
- 556 mln. teńgege uzyndyǵy 48,6 shaqyrymdy quraıtyn «Aıgerim-2», «Darhan-Baıbesik», «Zará Vostok», «Shańyraq-1,2», «Ójet», «Trýdovık» yqshamaýdandaryna kóshe jaryǵyn salý;
- Uzyndyǵy 147 shaqyrymdy quraıtyn aýdannyń 143 kóshesine aryq salýǵa jobalyq smetalyq qujattama daıyndaýǵa tapsyrys berildi;
