Almaty qalasy Tilderdi damytý basqarmasy 2018 jyly 23 qarasha kúni Almaty qalasy, Almaty Qurylys tehnıkalyq koleji ǵımaratynda «Rýhanı jańǵyrý» baǵdarlamasy aıasynda Qazaqstannyń etnos ókilderi arasynda «Abaı oqýlary» atty qalalyq baıqaýyn ótkizdi.

Baıqaýdyń maqsat-mindetteri: qazaq tiliniń qoldanylýyn damytý, memlekettik til saıasatyn nasıhattaý. Abaı shyǵarmashylyǵyn nasıhattaý arqyly qoǵamdyq kelisim men qazaqstandyq rýhanı birlikti nyǵaıtý jáne otansúıgishtik sezimdi tárbıeleý, kópshiliktiń qazaqtyń ulttyq mádenıeti men ónerine, ádebıeti men tiline degen yqylasyn arttyrý, jastar arasynda kitap oqý mádenıetin damytý.

Baıqaýǵa kórkemsóz oqý jáne án aıtý sheberligin qatar ıgergen 18-28 jas aralyǵyndaǵy Qazaqstannyń etnos ókilderi qatysty.

 Baıqaý 3 kezeńnen turdy:

1. «Óleń sózdiń patshasy...». Abaı shyǵarmalaryn (bilim, ǵylym jáne óner taqyryptaryna órilgen poezıalyq shyǵarmasyn nemese qara sózin) jatqa mánerlep oqý.
2. «Qazaqta qarasózge des bermedim...». «Abaı joly» romanynan úzindini kórkem sheberlikpen jatqa oryndaý.
3. «Qulaqtan kirip, boıdy alar...». Abaıdyń ánin oryndaý. (1 án).

Qazylar alqasynyń sheshimimen konkýrs jeńimpazdary anyqtaldy:

Bas júlde – Voloh Alına Dmıtrıevna (Áýezov aýdany)

İ oryn – Saıdıganıeva Mýnısa  Emınjonovna (Túrkisib aýdany)

İİ oryn – Bakýlına  Ýlána Vladımırovna (Bostandyq aýdany)

İİİ oryn – Tohtarjanova Tahmına Iýsýpjanova (Almaly aýdany)

Baıqaýǵa belsendi qatysyp, erekshe óner kórsetkenderi úshin Irıskýlova Nasıba Týrarqyzy (Túrksib aýdany), Iskandarova Seıran Rashıdqyzy (Áýezov aýdany), Kotvıskaıa Anastasıa Igorevna (Alataý aýdany), Abdýllaev Farýh  Ialkýnjanovıch (Áýezov aýdany) nomınasıalarmen jáne yntalandyrý syılyqtarymen marapattaldy.