20 qarasha kúni Almaty ákimdigi «Mızam» bazarymen jalǵa berý shartyn úzgendigi jaıly baspasóz málimdemesin taratqan bolatyn. Málimdemede onyń bir sebebi retinde «Mızam – mádenıetsiz bazar» dep kórsetilgen. Bazarǵa tekserýler júrgizilip, onyń artynan aıyppul salyndy. Saýda kesheniniń qojaıyny ózin qorǵaýǵa májbúr. Bazardyń qojaıyny - kásipker Dosmuqan Kerimbaev bul sheshimmen kelispeıdi. Jumys oryndaryn quryp, salyq tólep, búkil qaýipsizdik talaptaryn saqtap otyrǵan ol Almaty ákimdiginde nelikten «Mızam» saýda ortalyǵynyń jumysyna narazylyq týyndap otyrǵanyn túsinbeıdi.
D. Kerimbaev: «Biz bul jaǵdaıdyń nelikten týyndaǵanyn ózimiz túsinbeı otyrmyz. Basynan bastap bul jobany Almaty ákimi qoldady. Baýyrjan Baıbek kóterme-úlestirý ortalyǵy birinshi kezeginiń ashylýynda boldy. Ol bizdiń tujyrymdamamen tanys, bul jobanyń damýyn maquldap otyr. Bul jerdegi shıelenis ákim orynbasary, basqarma basshylary syndy memlekettik organdar tarapynan týyndap otyrǵan bolý kerek. Olar ártúrli tekserýlerge jol berip otyr dep oılaımyn. Almaty qalasynyń tekserýshi organdary tarapynan bizge bulaı «jiti kóńil bólinip otyrǵandyǵy» qanshalyqty zańdy degen suraqty qoıǵym keledi».
Baspasóz májilisin «Mızam» kóterme-bólshek ortalyǵynyń qojaıyndary, Ulttyq kásipkerler palatasynyń ókilderi, zańgerler uıymdastyryp otyr.
Maqsaty – kásipkerlerdi qoldaýǵa arnalǵan memlekettik baǵdarlamalar nelikten jumys jasamaı otyrǵandyǵyn keń jurtshylyqtyń jáne el basshylyǵynyń nazaryna jetkizý, jospardan tys tekserýler qalaı ótkiziletindigi jáne sheneýnikter men Almatynyń atqarýshy bıligi megapolıste óz bıznesin damytý úshin qarjy salyp otyrǵan kásipkerlerdiń aıaǵynan qalaı shalyp otyrǵandyǵy jaıly áńgimeleý. Al kásipkerlikti damytýǵa baǵyttalyp otyrǵan bul qarjy myńdaǵan qazaqstandyqtarǵa óziniń áleýmettik-ekonomıkalyq jaǵdaıyn jaqsartýǵa múmkindik berip otyrǵany belgili.
Baspasóz májilisiniń qatysýshylary zań júzinde osy jaǵdaıdy túsindirip berýi úshin Elbasyna, sondaı-aq, joǵarǵy qadaǵalaýshy organ – QR Bas prokýratýrasyna jáne Ulttyq kásipkerler palatasyna suraý salyp otyr.
Baspasóz májilisiniń qatysýshylary:
Dosmuqan Sultanbekuly Kerimbaev - «Mızam» kóterme-bólshek bazarynyń quryltaıshysy;
Bolat Egimbaıuly Qojaqov - «Mızam» kóterme-bólshek bazarynyń basqarýshy dırektory;
Asqar Qaımaqov – táýelsiz zańger;
Nursadyq Qalıuly Ábishev – Qazaqstan saýda ókilderi qaýymdastyǵynyń prezıdenti.
