Tuńǵysh Prezıdent kúnine oraı Almaly aýdanynyń jastary forýmda bas qosty. Búgingi tańda aýdan halqynyń 30 paıyzyn jastar quraıdy. Sebebi, Almaty qalasyndaǵy 16 joǵary oqý orny da osy aýdanda.

Merekege oraı, aýdanda jastar korpýsy ashylmaq. Aldaǵy ýaqytta stýdentter men oqýshylarǵa Elbasy usynyp otyrǵan múmkindikterdi jan-jaqty túsindirip, bolashaqtyń irgesin birge qalaýdy úıretpek.  

«Jastar korpýsynyń maqsaty – Almaly jastarynyń basyn qosyp, biriktirip, kreatıvti jańa jobalardy iske asyrý. Bizdiń tarıhymyz Almaly aýdanynan bastaý alyp, ary qaraı Almaty qalasyna, Qazaqstan Respýblıkasyna ósedi», – dedi M. Tynyshbaev atyndaǵy Qazaq kólik jáne komýnıkasıa akademıasynyń tárbıe jónindegi departament dırektory Ázız Qajdenbek.

Al Medeý aýdanynda Mereke qarsańynda aýdanda jańa balabaqsha men oıyn alańy ashylmaq. Sharaǵa qoǵam qaıratkerleri men jeltoqsanshylar shaqyrtylǵan. Kelgen qonaqtarǵa Prezıdent tulǵasyn san túrli qyrynan kórsetetin sýretter usynylady.  

«Damyǵan qoǵamda, memleketterde osyndaı mereke  bolyp tur. Ol mereke sol memleketti basqaryp otyrǵan, qolbasshylarǵa arnalady. Bizdiń Qazaqstanda osy merekeni atap ótýimizge 4-5 jyl boldy. Meniń oıymsha, bul durys dep oılaımyn. Óıtkeni, damyǵan el bolyp kele jatyrmyz. Qazaqtyń jaqsy maqaly bar. Toı toıǵa ulassyn.Bulda bizdiń elimizdiń bir toıy dep esepteımin», – dedi Almaty qalasy Medeý aýdany ardagerler keńesiniń tóraǵasy Kım Serikbaev.