Keler jyly Medeý aýdanynda 100 aýlaǵa kúrdeli jóndeý jasalady. Osylaısha, aýdandaǵy barlyq aýla tolyqtaı jaılylyqpen qamtylmaq.

Aýdan ákimi Erjan Jylqybaevtyń bergen esebine sáıkes, 2,5 jyldyń ishinde 300 aýlany abattandyrýǵa 4 mıllıard teńge qarajat jumsalypty. Jóndeý jumystary tek aýlalarda ǵana jasalyp qoımaı, uzaq jyldar boıy jóndeý kórmegen 60 úıdiń qasbettteri de jańartylǵan. Bul maqsatta jergilikti búdjetten 70 mıllıon teńge qarastyrylǵan.

«Jańartylǵan alpys úı Dostyq, Nazarbaev, Abaı dańǵyldary, Sátbaev, Qajymuqan, Áıteke bı kóshelerinde ornalasqan. Al «Aımaqtardy damytý-2020» baǵdarlamasy aıasynda 47 kópqabatty úıdiń jóndeý jumystary aıaqtaldy. Keler jyly osyndaı 50 úıdi jańartýdy josparlap otyrmyz. Jalpy, aýdan boıynsha 712 kópqabatty úı bar», – dedi Almaty qalasy Medeý aýdanynyń ákimi Erjan Jylqybaev.