Almaty turǵyndary «Ortalyq klınıkalyq aýrýhananyń» jetekshi dárigerlerinen tegin keńes aldy.

Sondaı-aq, ashyq esik kúninde qarapaıym halyqqa dıagnostıkalyq testtiń barlyq túrinen 30 paıyz jeńildikpen ótýge múmkindik berildi. Tuńǵysh Prezıdent kúni qarsańynda ótken aksıaǵa turǵyndar dán rıza. Dárigerlerdiń aıtýynsha, tegin keńes alýǵa kelgen 500-den astam adamnyń basym kópshiligi júregi men búıregin teksertip, nevrolog pen gınekologtyń keńesine júgingen.  

«Bizdiń klınıkamyzdyń eń úzdik dárigerleri Almatynyń barlyq turǵyndaryna arnap tegin dárigerlik keńes júrgizip jatyr. Maqsatymyz – qalalyq turǵyndardy aýrýhanadaǵy eń úzdik joǵary tehnologıalyq jetistiktermen tanystyrý. Osyǵan oraı, bizdiń aýrýhanamyzdyń bul otalar túrin tegin portal arqyly alýǵa bolady», – dedi «Ortalyq klınıkalyq aýrýhana» AQ Medısınalyq qyzmet kórsetý ortalyǵy basshysynyń orynbasary Álıa Adaeva.