Almatyda 9 aı ishinde 850-den asa memlekettik qyzmetkerdiń isi tártiptik keńeste qaralǵan. Bul ótken jylmen salystyrǵanda 3 esege az kórsetkish.

Búgin mamandar etıka keńesinde osyndaı málimet aıtty. Sondaı-aq, kún tártibinde bes suraq qaralyp, ádep jónindegi ýákilder men tártiptik komısıalar jumys nátıjelerimen bólisti. Keńes tóraǵasy Danıar Taýmurat memlekettik qyzmetkerlerdiń quqyǵy basty nazarda ekenin jetkizdi.  

«Aǵymdaǵy jyldyń 10 aıynyń qorytyndysy boıynsha 45 adam jalpy somasy 3 mln 108 myń 485 teńgege ákimshilik jaýapkershilikke tartyldy. Altaýy Ákimshilik kodekstiń 676 jáne 677-baptary, ıaǵnı zańsyz materıaldy turǵyda syıaqy berý jáne alý boıynsha jaýapqa tartylǵan. Segizi 99-bap boıynsha, ıaǵnı ákimshilik memlekettik qyzmetkerdi jumysqa alý kezinde konkýrs sharttarynan zańbuzýshylyqtar jibergen», – dedi QR Memlekettik qyzmet isteri jáne sybaılas jemqorlyqqa qarsy agenttigi Almaty qalasy boıynsha departament basshysynyń orynbasary Gennadıı Danıarov.