Almatyda jas aqyn Jaqsylyq Qazymuratulynyń «Ápke» jyr jınaǵynyń tusaýkeseri ótti

«Jambyl» atyndaǵy kitaphanada ótken sharaǵa aqyn-jazýshylar men jyr súıer qaýym jıyldy. Atalǵan jyr jınaq eki bólimnen turady. Alǵashqy bóliminde aqynnyń elge, jerge degen súıispenshiliginen týǵan óleńder bolsa, keıingisinde mahabbat taqyrybyndaǵy lırıkalyq jyrlar toptastyrylǵan. «Ápke» kitabynyń tusaýyn aqynnyń ustazy Káken Qamzın men Ámirhan Meńdeke kesti.  

«Araǵa biraz ýaqyt salyp osy jınaqty usyndyq. Ápkeni jaqsy kórý arqyly umytylyp bara jatqan qasıetti qaıtadan bir oıatsam, adamdar ózderiniń ápkeleri týraly, kez-kelgen adam óziniń bir janyna jaqyn ápkesi týraly oılansa eken, eske alsa eken, qurmet bildirse eken, iltıpat bildirse eken degen tilegim bar», – dedi aqyn Jaqsylyq Qazymuratuly.  

Ádebı keshte Jaqsylyq Qazymuratulynyń jańa óleńderi oqyldy.  Shaıyrdyń buǵan deıin de «Qarala syrmaq», «Japyraq jaýǵan kúz» jyr jınaqtary jaryq kórgen. Jáne ol patrıottyq óleńderi arqyly oqyrmannyń ystyq yqylasyna bólengen. Aǵa býyn ókilderi jas aqynnyń týyndylaryna ózderiniń oń baǵasyn berip, shyǵarmashylyq tabys tiledi.  

«Myna Jaqsylyqtyń boıynda kásibı talant ta bar, aqyndyq talant ta bar, redaktorlyq talant ta bar, menedjerlik te talant bar. Mine, barlyǵynyń basyn qosqanda kelip mýltımedıalyq jýrnalısıka shyǵady. Shákirtterimizdiń osylaı óskenine, ilgeri basqanyna biz árýaqytta qýanamyz», – dedi jazýshy, fılologıa ǵylymdarynyń doktory Káken Qamzın.