Almatydan Talǵarǵa qatynaý endi ońaı.  Keler aıdan bastap Almatydan oblys aýmaǵyna qaraı jolaýshy tasymaldaıtyn jańa avtobýstar shyǵady.

Qoǵamdyq kólikterge «Ońaı» júıesi ornatylyp, jolaqy qaladaǵydaı 80 teńge kúıinde qalady. Jańadan iske qosylatyn №202 marshrýt Qaskeleń-Almaty baǵytynda jolaýshy tasymaldasa, №203 avtobýs Talǵarǵa qatynaıdy. Qala ákimdigi jańa baǵyttar úshin sý jańa 40 gazel bólip otyr. Eki ortaǵa qosymsha qoǵamdyq kólik bólýge turǵyndar tarapynan kóptep túsken ótinish sebep bolypty.  

«№202 baǵyt Saıran avtobeketinen shyǵyp Raıymbek dańǵyly arqyly «Asyl arman» turǵyn úı kesheni arqyly ótip, ary qaraı «Úshqońyr» avtovokzaly jáne «Barys» saýda ortalyǵy arqyly Qaskeleńge qaraı ótetin bolady. Talǵarǵa júretin avtobýs Qulja tas jolynyń boıymen ótip, sol jaqtaǵy eldi-mekenderdiń adamdaryna qyzmet kórsetip, Qulja tas jolynan Talǵarǵa kiretin bolady», – dedi Almaty qalasy Jolaýshylar kóligi jáne avtomobıl joldary basqarmasynyń bas mamany Shyńǵys Baıqadamov.