«Tilim úshin ózim de ólemin, basqalaryn da aıamaımyn» degen til kúreskeri kerekýlik Rýza Beısenbaıtegi búgin jalǵyz emes. Ony bar qazaq qoldaıdy, qoldaý úshin respýblıkanyń ár aımaǵynan Kerekýge attanǵan azamat kóp.

Búgin Rýza Beısenbaıtegi bastaǵan til janashyrlary Pavlodar turǵyndarymen birneshe kezdesý ótkizedi. Maqsaty – pavlodarlyqtarǵa memlekettik tildiń qadir-qasıetin uǵyndyrý, til úshin kúresip júrgen belsendilerdiń baryn kórsetý, ana tilin qoldaý, qorǵaý. Alǵashqy kezdesý saǵat 11:00-de PMPI-de ótedi. Al saǵat túski 14:30-da Pavlodar oblystyq kitaphanasynda bolmaq.

Rýza Beısenbaıteginiń aıtýynsha, kezdesýlerge memlekettik organ ókilderi men «tilim!» degen aıbyndy jastardyń bári derlik qatysa alady.  

Keshe Astana qalasynan belgili zańger Abzal Quspan bastaǵan bir top til kúreskerin qoldaý úshin Kerekýge attanǵan. Al Qamshy.kz aqparat agenttigi ult, til máselelerin kóterip júrgen janashyrlarǵa aqparattyq qoldaý kórsetýge qashan da daıyn.

Rýza Beısenbaıtegi degen kim?

Ol – orystanǵan soltústikte myńmen jalǵyz alysqan til janashyry. Kerekýdiń basshylarynan bastap qarapaıym turǵyndarǵa deıin onyń aıaǵynan shalýǵa talaı árekettengen. Alaıda Rýza hanym qulaǵan joq, eńsesin tik kóterip, memlekettik tildi mensinbeıtindermen kúresip keledi, kúrese beredi.  Tipti densaýlyǵy syr bildirip júrse de, toqtaımyn degen áıel zaty joq. Keleshek urpaqqa taza, baı qazaq tilin sol qalpy jetkizýdi maqsat tutty. Sol maqsaty úshin ózin qurban etýge daıar temir áıel.