Almatynyń úzdik ustazyna kólik syıǵa berilmek. Muǵalimder arasynda Qasyl Qatyqbaeva atyndaǵy «Ustaz mártebesi – ult mereıi» qalalyq baıqaýynyń birinshi kezeńi ótti.

Baıqaýǵa qatysýǵa 8 aýdannan 100-ge tarta muǵalim ótinish bildirgen. Arasynan oq boıy ozyp shyqqan 23 ustaz, 3 kezeń boıynsha baq synaıdy. Alǵashqy kezeńde qatysýshylar qazylar alqasyna pedagogıkalyq tujyrymdamalaryn usyndy. Baıqaý jeńimpazdary jeltoqsan aıynda anyqtalady. Sonymen qatar, júldeli orynnan kóringen jeńimpazdarǵa shetelge otbasylyq demalysqa joldama beriledi.

«Búgingi baıqaý – ustazdardyń arasynda ustaz bedelin kóterýge, osy joldaýǵa tikeleı baılanysty qosylǵan ún. Qalamyzdyń búkil mektebinen osy baıqaýǵa qatysqysy kelgen ustazdardyń keıbireýi ózderi nıet bildirdi, keıbireýi aýdandyq baıqaýdan ozyp shyǵyp, osy qalalyq baıqaýǵa kelip otyr», – dedi Qazaqstannyń Eńbek Eri Aıagúl Mırazova.