Almatyda qala kóshelerin jańartý jospary talqylandy. Sáýletshiler turǵyndardyń pikirin bilip, qala máselesin talqylaýǵa áleýmettik jeliler az bolady deıdi.

Bul týraly Almaty qalasy Sáýlet jáne qala qurylysy basqarmasy mamandary men táýelsiz arhıtektorlar kezdesýinde aıtyldy. Jıynda megapolıs turǵyndaryna aqparat taratýdy kúsheıtý men sarapshylardy kóbeıtý usynyldy.    

«Qalanyń Sáýlet jáne qala qurylysy basqarmasynyń resmı saıtynda jańaratyn 8 kósheniń qujaty jarıalanǵan. Iaǵnı, meniń túsingenim, onda júrginshilerge basymdyq berilmek, birjaqty kólik qozǵalysy bolady delingen. Tolyq aqparat joq. Sondyqtan onda kirgen adam kósheniń qalaı ózgeretinin, ol jerde ne bolatynyn bile almaıdy. Aqparat az», – dedi arhıtektor Aısulý Ýálı.  

Qalanyń Sáýlet jáne qurylys basqarmasynyń mamandary jıynda aıtylǵan usynystardyń barlyǵy qaralatynyn aıtty. Sonymen qatar, Almatynyń bas jospary qala turǵyndary jáne qoǵam belsendilerimen birigip daıyndalyp jatyr eken. Qazir mamandar qujattyń bekitilýin kútip otyr. Sodan keıin ashyq talqylaý ótkiziledi. Sol arqyly kelesi jyldyń jumys jospary belgili bolmaq.    

«Kelesi jylda múmkindik bolsa, aıaqtaımyz. Qabyldaýǵa elshilikke beremiz. Kelesi jyly bas jospar boıynsha talqylaýlar bastalady», – dedi Almaty qalasy Sáýlet jáne qala qurylysy basqarmasy basshysynyń orynbasary Almasqan Ahmetjanov.