Almatylyq polıseıler endi kólikterdiń ortasha jyldamdyǵyn ólshemek. Ózgeris qala kóshelerinde 1 jeltoqsannan bastap iske qosylady.

Budan bylaı baqylaý kameralary kóliktiń jyldamdyq shegin tek beketterge jaqyn jerde ǵana emes, búkil baǵyt boıymen anyqtaıdy. Óıtkeni, júrgizýshilerdiń basym bóligi tek anyqtaǵysh júıeniń janyna jetkende ǵana jyldamdyqty báseńdetetin kórinedi. Qazir tártip saqshylary Almatydaǵy 110 avtomattandyrylǵan beınebaqylaý júıesine jańa fýnksıany engizýde. Al aldaǵy jyldary kameralar sany 142-ge jetedi.  

«Beketterdiń quramyna jańa fýnksıa engizilgen bolatyn. Iaǵnı, A pýnktinen B pýnktine jetken sátte ortasha jyldamdyqty eseptep otyryp, eger jyldamdyqty asyrý deregi anyqtalsa, onda aıyppuldar salynatyn bolady. Bul jańashyldyqty iske engizýdiń birden bir sebebi, qalamyzdaǵy jol ahýalyn turaqtandyrý. Jol qaýipsizdigin tıisti deńgeıde qamtamasyz etý jáne adamdardyń joldaǵy ómiri men densaýlyǵyn saqtap qalý», – dedi Almaty qalasy Polısıa departamentiniń resmı ókili Saltanat Ázirbek.