Kúni búginge deıin elimizdiń baı tarıhy týraly kitap betterinen, ǵalymdarymyzdyń eńbekterinen oqyp bilgen edik. Mine, kúni keshe ǵana Elbasymyzdyń «Uly dalanyń jeti qyry» atty baǵdarlamalyq maqalasy jaryq kórip, tól tarıhymyzdy basqa qyrynan tanyǵandaı bolyp jatyrmyz.

Bul eńbek bizge jańa­sha shabyt, rýh berdi. Joǵymyz tabylǵandaı bolyp jatyrmyz. Ásire­se, bizder, tarıh pániniń muǵalimderi úshin bul eńbek túrli máde­nıettiń bastaýy ispetti boldy. Elbasymyz «Bola­shaqqa baǵdar: rýhanı jańǵyrý» baǵdar­lamalyq maqala­synda búgingi Qazaq­stan­­nyń bola­shaǵy men ótkenin keńinen qamtysa, «Uly dalanyń jeti qy­ry» atty maqalasynda ejelgi tarıhymyz ben má­denıe­timizge, ejelgi ór­kenıe­timizdi qaıta jań­ǵyrtý kerek­tigin tap­syryp otyr.

Ásirese, bul jolda bizdiń ǵalym­darymyzǵa, tarıhshy­larymyzǵa taǵy da ter tógý mindeti tur. Kúndelikti sabaq bary­synda maqalada kórse­tilgen «Atqa miný máde­nıeti, «Uly daladaǵy ejel­gi metal­lýrgıa», «Ań stıli», «Altyn adam», «Túrki áleminiń besigi», «Uly Jibek joly», «Qazaq­stan – alma men qyzǵaldaqtyń Otany» dep aıryqsha bólip kórse­tilgen bólim­der týraly oqýshylar da qyzyǵa tyńdady.

Ásel Asqarqojaeva