AQSH-tyń syrtqy saýdasyna qatysty tanymal Business Insider basylymy tyń derekterdi jarıalady, dep jazady Qamshy.kz aqparat agenttigi sheteldik BAQ-tyń deregine súıene otyryp. Amerıka Qytaı naryǵyndaǵy ornyn Reseıge syılady.
Amerıkalyq kompanıalar qazan aıynda tek BAJ salyǵy men shekteýler úshin 6,2 mıllıard dollar shyǵyndalypty. Bul kórsetkish – AQSH-tyń tarıhynda bolmaǵan eń úlken shyǵyn. Osyǵan uqsas shyǵyndardy boldyrmaý úshin Beıjiń bıligi qandaı sharalar qoldanyp jatyr? Qytaıdyń ishki naryǵyndaǵy "bos orynǵa" Reseı ıelik ete ala ma Bul suraqtarǵa RIA Novostı saıty jaýap izdedi.
Bıylǵy jyldyń mamyr aıy AQSH-tyń ishki saýdasynda oryn alǵan daǵdarystyń sharyqtaý shegine jetken ýaqyt boldy. Qytaı men AQSH arasynda eksport pen ımportqa jumsalǵan BAJ-dyń jalpy somasy jyl bastalǵan alǵashqy tórt aıda 10,8 mıllıard dollardy qurasa, mamyr-tamyz aralyǵyndaǵy shyǵyny úshten bir esege ósip, 15,1 mıllıardqa jetken.
2017 jyly qazan aıynda BAJ salyǵy men ımport pen eksportqa qoıylǵan shekteýlerge 3 mıllıard dollar qarajat jumsalsa, osy jyly bul soma 2 esege ósip 6,2 mıllıardty quraǵan. Al, QHR ımporttyq tólemderge ótken jyly 0,4 mıllıard jumsap, osy jyly 2,6 mıllıardqa jýyq tólem jasaǵan. Bul týraly Rambler habarlaıdy. Mundaı shyǵyndar AQSH bıznesi men amerıkanyń ishki saýdasyna aıtarlyqtaı áserin tıgizgeni belgili. Degenmen, Donald Tramp Twitter-degi paraqshasynda mundaı ózgerister ol úshin esh qıyndyq týdyrmaıtynyn jazǵan:
«Biz óz tarıfterimizden-aq mıllıardtar taýyp jatyrmyz. Amerıkany qaıtadan baı ári qýatty etemiz»,-deıdi AQSH-tyń táýekelshil basshysy.
Aýdarǵan: Baljan Halyq
