Jaqynda qazaqstandyq buqaralyq aqparat quraldarynda BQO, Oral qalasynyń turǵyny Maqsat Jumaǵalıev esimdi azamattyń QR Mádenıet jáne sport mınıstrligine jazǵan ótinishi (shaǵymy) jarıalandy. Bul týraly "Qamshy" portaly uralskweek.kz saıtyna silteme jasaı otyryp habarlaıdy. Jumaǵalıev óziniń  shaǵymynda QR Memlekettik ánuranyndaǵy bir sóılemdi tolyq aýystyrýdy usynǵan. "QR Ánuranynda bir sóılem bar: "Týǵan jerim meniń - Qazaqstanym" - sózbe-sóz aýdarǵanda "Kazahstan — eto zemlá, na kotoroı ıa rodılsá". Men mysaly, Reseıde týǵam, 1992 jyly Qazaqstanǵa kóship keldik. Men Qazaqstandy ózimniń otanym dep esepteımin. Alaıda, ánurannyń sózine súıensek, ol meniń týǵan otanym bolmaı shyǵady. Iaǵnı, men Qazaqstandy ózimniń týǵan otanym dep aıta almaımyn. Sebebi, men Qazaqstanda týǵan joqpyn ǵoı. Menińshe, qazaqstandyqtardyń  teń jartysynyń týǵan, tarıhı otany basqa memleket. Sondyqtan bildeı bir memlekettiń ánuranynyń sózine abaı bolýymyz kerek qoı",-depti Maqsat Jumaǵalıev. Sondaı-aq, Jumaǵalıev QR Mádenıet jáne sport mınıstrligine de shaǵymdanyp, hat joldaǵan. Hatta ol ánurannyń osy bir jolyn tolyq aýyrtyrýdy suraǵan. Alaıda, mınıstrliktegiler qazaqstandyqtyń qoǵamdyq belsendiligine alǵystaryn aıtyp, ánuran sózin aýystyrýdan bas tartqan. Árıne, Memlekettik gımn arnaıy saraptamadan, tekserýler men baqylaýlardan ótip, joǵarǵy zań shyǵarýshy organdarmen rastalǵandyqtan kez-kelgen adamnyń ótinishi boıynsha ózgerete salatyn oıynshyq emes ekeni ámbege aıan nárse. 1956 jyly belgili kompazıtor Shámshi Qaldaıaqovtyń jazǵan "Meniń Qazaqstanym" áni 2006 jyldyń 7 qańtaryna bastap Qazaqstan Respýblıkasynyń memlekettik ánurany bolyp qabyldanǵan. Alaıda "Meniń Qazaqstanym" áni gımn bolyp jarıalanbaı turyp,  Qazaqstan Prezıdenti Nursultan Ábishuly Nazarbaev ánniń mátinine birshama ózgertýler engizgen bolatyn.