Sózdi birden "Búkil álem aıaǵymyzdyń astynda"(«Ves mır ý nashıh nog») atty fılmiń jarnama taqtasy jaıynda aıtaıyq. Atalmysh kınonyń jarnama paraqshasyndaǵy «Janym aramnyń sadaǵasy» degen jazý kózimizge badyraıyp kórindi. Qarjysy 30 mılıon dollardy quraǵan ekshn janryndaǵy qazaqstandyq fılm 26 naýryzdan bastap kórermenge jol tartqan eken.  Atalmysh banner "MAXIMA saýda - oıyn-saýyq kesheniniń" aldyna "aıǵaılap" tur.

Qazaqta «Janym arymnyń sadaǵasy» degen mátel bar edi. Al bular "janyn aramǵa" nege sadaǵa etkeni belgisiz. Bilmestik pe, saýatsyzdyq pa, álde qara pıar ma? Ol jaǵyn anyq bilmedik. Nede bolsa bul qazaq tilin qorlaý bolyp sanalady. Bul kınony túsirgen rejıseri de, prodúseri de ózimizdiń qazaqtar eken. Olar «a» men «y» áripin ajyrata almaıdy nemese bul máteldi bilmeıtin adamdar deý qısynǵa kelmeıdi. Sondyqtan saýatsyzdyqtan kóri fılmniń qarjysyn aqtaǵa qara pıar  jasamaq bolǵan namyssyzdyq bolý ábden múmkin.

Bir eldiń memlekettik tilin qorlaýǵa aparyp soǵatyn mundaı masqaralarǵa jol bermeý úshin "janyn aramǵa" sadaǵa etken istiń mán-jaıyn anyqtap, resmı jaýap berýi kerek.

Turdybek Qurmethan