Bıznesti qorǵaý, qolaıly ınvestısıalyq jaǵdaı jasaý jáne kásipkerler úshin sybaılas jemqorlyq derekteri boıynsha qysymdardy tómendetý Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl Agenttiginiń basym baǵyttarynyń biri bolyp tabylady.

Búgingi kúni, Agenttik tarapynan el ekonomıkasyna ınvestısıalardyń kelýin jeńildetý, búrokratıa tártipterin jáne sybaılas jemqorlyq derekterin boldyrmaý maqsatynda «Protecting Business and Investments» jobasy júzege asyrylýda.

2018 jyldyń 12 jeltoqsan kúni Agenttik Tóraǵasynyń orynbasary A.Shaıymova atalǵanjoba aıasynda sybaılas jemqorlyqqa qarsy súıemeldeýge alynǵan «Golden Camel Group LTD» seriktestigine at basyn buryp, jumys barysymen tanysty.

Bul seriktestik elimizge jalpy quny 22 mln.dollardy quraıtyn ınvestısıa quıýda. Kompanıa túıe jáne jylqy sútin óńdeýmen aınalysady.  

Aıta ketsek, Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Túrkistan oblysy boıynsha Departamenti aǵymdaǵy jylǵy qyrkúıek aıynan bastap búgingi kúnge deıin jalpy somasy 240 mlrd. teńgeden asatyn 5ınvestısıalyq jobany sybaılas jemqorlyqqa qarsy súıemeldeý týraly ınvestorlarmen kelisimge qol qoıdy.