«The Caspian International Restaurants Company» JSHS-na qarasty «KFS» restorandar jelisine berilgen «QMDB halal» sertıfıkaty óz kúshin joıdy dep habarlaıdy Qamshy.kz aqparat agenttigi QMDB halal standarttaý bóliminiń baspasóz qyzmetiniń deregine súıenip.
Esterińizge sala ketsek, buǵan deıin «KFS» restorandar jelisi Reseı Federasıasyna qarasty halal standart talaptaryna saı óndiriletin, QMDB «Halal Damý» JSHS-ń arnaıy oqytylǵan qasapshylary tek qana qolmen baýyzdap, birneshe aýsymmen jumys istegen, «ólekse jemmen (másokostnaıa mýka) qorektendirilmegen» «Belaıa ptısa» qus ónimderin paıdalanyp keldi. Alaıda, RF tarapynan týyndaǵan zańdyq shekteýlerge baılanysty «KFS» restorandar jelisine tasymaldanatyn «Belaıa ptısa» taýyq ónimderiniń kólemi azaıǵandyqtan, «KFS» mekemesi basshylyǵy «Belaıa ptısa» qus ónimderimen qatar, QMDB halal standarty talaptaryna sáıkes kelmeıtin basqa da birneshe «Qus fabrıkalarynyń» taýyq ónimderin qoldanyp jatyr.
Qazirgi tańda «KFS» mekemesi qoldanyp jatqan «Belaıa ptısadan» basqa taýyq ónimderi QMDB “Halal Damý" JSHS-nyń «Mal baýyzdaý jáne et óńdeý halal standarty» 1:2016 jáne «Halal ónimderin tasymaldaý men satýǵa, saqtaýǵa, óńdeýge, daıyndaýǵa, óndirýge jalpy talaptar» 3: 2016 standarttary talaptaryna sáıkes kelmeıdi.
Sol sebepti, QMDB «Halal Damý» JSHS men «The Caspian International Restaurants Company» JSHS arasyndaǵy kelisimsharttyń ýaqytsha toqtaǵandyǵyn, «KFS» restorandar jelisiniń taýyq ónimderi tolyǵymen «QMDB halal standart» talaptaryna sáıkes kelmeıinshe, mekemege berilgen «QMDB Halal» sertıfıkaty men «KFS» ónimderiniń syrtqy qaptamalaryndaǵy «QMDB halal» tańbasynyń óz kúshin joıǵandyǵyn habarlaımyz.
