Shymkent garnızony áskerı prokýrorynyń jetekshiligimen Qazaqstan Respýblıkasynyń Táýelsizdik kúni merekesine arnalǵan Shymkent garnızonyndaǵy áskerı bólimderge bekitilgen  áskerı-patrıottyq klýbtar arasynda áskerı taqyrybynda baıqaý ótkizildi.

İs-sharaǵa Shymkent qalasyndaǵy S.Rahymov atyndaǵy Respýblıkalyq áskerı – mektebi jáne qala mektepterinen quralǵan áskerı-patrıottyq klýbtardyń on bes komandasy qatysty.

Baıqaýdyń basty maqsaty, oblystaǵy jas armıalyq qozǵalysty damytý, Qazaqstan Respýblıkasy Qarýly Kúshteriniń ımıjin kóterý jáne áskerı qyzmetti keńinen nasıhattaý bolyp tabyldy.

Qazaqstan Respýblıkasy Qarýly Kúshteri Áýe qorǵanysy kúshteri Áýe shabýylyna qarsy qorǵanys áskerlerine qarasty 10216 áskerı bóliminiń «Erjúrek» áskerı-patrıottyq klýbynyń tárbıelenýshileri úsh kezeńnen turǵan saıysta oza shaýyp, birinshi oryndy ıelendi.

«Erjúrek» komandasy birinshi oryndy alýyna 10216 áskerı bólimi ardagerler qoǵamynyń tóraǵasy zapastaǵy maıor Qanat Tımýruly Smatov jáne maıor Ardaq Júsipuly Japbarqulov, maıor Batyrhan Dýısenov syndy ozyq tájirıbesi bar 10216 áskerı bólimi tárbıe jáne ıdeologıalyq jumystary bóliminiń ofıserleri daıyndyq kezeńinde ózderiniń biliktiligi men bilimdiligin oqýshylarǵa úıterýiniń arqasynda bolyp otyr.

10216 áskerı bólimine bekitilgen A.S.Makarenko atyndaǵy № 41 mektep-lıseıiniń alǵashqy áskerı daıyndyq pániniń oqytýshysy Aldıar Erasynulymen árdaıym jastardy áskerı – patrıottyq tárbıeleý júıesi jumysynyń tıimdiligin arttyrý, áskerı-patrıottyq klýbtardyń qyzmetin nyǵaıtý boıynsha birlesip is-sharalar atqarylyp kelýde.

Baıqaý sońynda, saıysta jeńimpaz atalǵan komandarlarǵa Shymkent garnızony áskerı prokýratýrasy basshylyǵy atynan marapattaý qaǵazymen jáne baǵaly  syılyqtar tabystady.