Elektrondy tablolarda baǵyt nómirleri jáne qoǵamdyq kóliktiń beket kesheninen qashan keletini týraly aqparattar bolady. Qalalyqtar sıfrly jańalyq arqyly Kólik holdıńiniń operatorymen arnaıy modýl arqyly baılanysa alady. Bul joba búdjetten tys qarjy esebinen iske asýda.

Qoǵamdyq kólik qozǵalysyn onlaın-keste nemese «Ońaı» qosymshasy arqyly bilýge bolady. Budan ózge, tamyzdan bastap osy qosymshany paıdalanatyndar QR-kody arqyly jol aqysyn da tóleı bastady.

Kezekti jumys sapary barysynda Almaty ákimi Baýyrjan Baıbek megapolıstiń shet aımaqtaryn ortalyqpen baılanystyratyn jeke tasymaldaýshylar alǵan jańa avtobýstardy kórdi.

Mysaly,«Madına» JSHS Yutong markaly 12 tómen edendi avtobýstar alǵan, kólikter №72 baǵytyna qyzmet kórsetedi. Kıikbaı» JSHS №13 baǵyttaǵy avtobýstardy jańartty. Iaǵnı, ISUZU markaly 20 tómen edendi kólik alyndy.

Megapolıs basshysy birinshi kezektegi mindet avtobýstar parkin jańartý bolǵanyn, sondyqtan 3 jyl ishinde 1100-den astam kólik birligi alynǵanyn, al endigi mindet qalalyqtarǵa sapaly qyzmet kórsetý ekenin atap ótti.

«Sapaly qyzmet kórsetip, avtoparkti jańartqan tasymaldaýshylar ǵana sýbsıdıa alatyn bolady. Sýbsıdıa bólý jónindegi kelisimde sapaǵa baqylaý qoıylatyndyǵy ári kemshilikter oryn alsa aıyppul salynatyny naqtyly kórsetilgen. Tek 9 aı ishinde ǵana qozǵalys jıiligin saqtamaǵan tasymaldaýshylar 330 mln. teńge sýbsıdıadan qaǵyldy» - dedi Baýyrjan Baıbek.