QR Ulttyq ekonomıka mınıstri Tımýr Súleımenov «Samuryq-Qazyna» AQ dırektorlar keńesiniń janyndaǵy Strategıa komıtetiniń tóraǵasy bolyp saılandy dep jazady Qamshy.kz aqparat agenttigi economy.gov.kz saıtynyń deregin negizge alyp. 

«Samuryq-Qazyna» AQ dırektorlar keńesiniń janyndaǵy Strategıa komıteti memlekettik strategıalyq tapsyrmalardy josparlaý jáne iske qosý máselelerin qaraý úshin qurylǵan.

Strategıa komıtetiniń negizgi mindeti mańyzdy strategıalyq tapsyrmalardy jikteýdi mynadaı jolmen qamtamasyz etý bolyp tabylady: «Qordyń dırektorlar keńesinde Qordyń damý strategıasyn 10 jyldyq kezeńge aldyn ala maquldaý jáne Qordyń damý josparyn 5 jyldyq kezeńge odan ári qaraý úshin; Qordyń dırektorlar keńesinde Qordyń Damý strategıasy men Damý josparyn iske asyrýdy monıtorıńileý jáne baqylaý maqsatynda Damý strategıasynyń, Qordyń damý josparynyń iske asyrylý barysy týraly esepterdi qaraý; Qordyń ulttyq kompanıalardyń damý strategıasynyń ulttyq strategıalar, mindetter jáne memlekettik baǵdarlamalardyń dekompozısıalyq strategıalyq kórsetkishterimen sáıkestigi týraly aqparatyn qaraý». 

Komıtet Qordyń dırektorlar keńesiniń turaqty áreket etetin konsýltatıvtik-keńestik organy bolyp tabylady.