Almatyda kórnekti memleket jáne qoǵam qaıratkeri Nurtas Ońdasynovtyń qurmetine eskertkish taqta qoıyldy.
Memorıaldy taqtaısha qaladaǵy Gogol kóshesi men Seıfýllın dańǵylynyń qıylysyndaǵy Qazaq memlekettik qyzdar pedagogıkalyq ýnıversıtetiniń qabyrǵasyna ornatyldy. Nurtas Dándibaıuly – dál osy joǵary oqý ornyn ashýǵa úlken kúsh salǵan tulǵanyń biri. Elimizdegi saýatsyzdyqty joıý isimen aınalysyp, bilim-ǵylymnyń damýynda erekshe iz qaldyrǵan azamattyń aıtýly isteri umytylmaıdy deıdi zıaly qaýym.
«Nurtas Ońdasynov – Keńes úkimeti órship turǵan kezde qazaqqa ulttyq kadr daıyndaý jáne óziniń mektebin qalyptastyrǵan ǵalym. Qazir minekeı, osy joǵarǵy oqý oryndary úlken bilim men ǵylymnyń qarashańyraǵyna aınalyp otyr. Ótkenin umytqan óshkendiktiń belgisi, erteńin esine salǵan óskendiktiń belgisi deıdi. Búgingi bolyp jatqan is-shara osynyń dáleli», – dedi Qazaq memlekettik qyzdar pedagogıkalyq ýnıversıtetiniń rektory Gaýhar Aldambergenova.
Sonymen qatar, jınalǵan qaýym men oqý ordasynyń stýdentteri Nurtas Ońdasynovtyń ómiri men qyzmetine arnalǵan «Bılikten bıik tulǵa» atty derekti fılmdi tamashalady. Aıta ketsek, fılmdi Qazaqstan Respýblıkasy prezıdentiniń teleradıokesheni túsirgen.
