Asfendıarov atyndaǵy Qazaq ulttyq medısına ýnıversıtetinde elimizdegi eń iri jataqhana ashyldy.

«Stýdentter úıiniń» lentasyn QR Densaýlyq saqtaý mınıstri Eljan Birtanov qıdy. 512 stýdentke shaqtalǵan zamanaýı jataqhana 9 qabattan turady. Ǵımaratta tálimgerlerge jaıly jaǵdaı jasalǵan. 75 oryndyq asqana, 30 oryndy oqý zaly, joǵary jyldamdyqtaǵy ınternet jelisi, dárigerlik beket te bar.

«Bul jataqhana Elbasymyz Nursultan Ábishuly Nazarbaev jarıalaǵan «5 áleýmettik bastama» baǵdarlamasy negizinde iske qosyldy. Tek Almatyda, tek medısına salasynda ǵana emes, joǵary bilim berý uıymdarynyń negizinde stýdentterge osyndaı jaǵdaılar jasaý qolǵa alynýda. Biz Elbasy jarıalaǵan baǵdarlamany iske asyrý úshin bar kúshimizdi salamyz», – dedi QR Densaýlyq saqtaý mınıstri Eljan Birtanov