Almatyda fýtbol ardageri Oleg Pechenıkti eske alýǵa arnalǵan balalar arasyndaǵy fýtbol týrnıri ótti. Jarysta jalpy almatylyq 8 komanda saıysyp, ózara myqtyny anyqtady. Bul sport dodasy osymen úshinshi ret ótkizilip otyr. Kelesi jyldan bastap, jarys respýblıkalyq deńgeıde uıymdastyrylmaq.
Aladop báskesine qatysqan órender – respýblıkalyq jáne halyqaralyq jarystar da top jaryp júrgen jetkinshekter. Bul joly Almatydaǵy eń myqty degen balalar arasyndaǵy 8 komanda qatysty. Qazaq fýtbolynyń ardageri Quralbek Ordabaev Fýtbol ardageri Oleg Pechenıkti eske alýǵa arnalǵan aıaqdopshylardyń alamanynda top jarǵan jigitterdiń bolashaqta ulttyq qurama komandasyna iligetininine senimdi.
«Keleshegi bar bul jas fýtbolshylar erteńgi kúni osy «Qaırat» fýtbol klýby nemese basqa fýtbol klýbtarynyń jaqsy oıynshysy bolady dep esepteımin. Múmkin, osylardyń ishinen 4-5-ýi ulttyq komandaǵa oınaıtyn bolsa, nur ústine nur ústine nur bolady», – deıdi qazaq fýtbolynyń ardageri Quralbek Ordabaev.
Jarys qorytyndysy boıynsha «Qaırat-1» fýtbol komandasy bas júldeni ıelense, kúmis medal «STS» tobynyń oıynshylaryna buıyrdy. Al qola Jeyran-nyń enshisinde.
Jarys deńgeıi jyldan jylǵa joǵarylap keledi deıdi uıymdastyrýshylar. Óıtkeni, básekelestik bar jerde dodanyń qyza túseni jasyryn emes ekenin alǵa tartady. Kýbokqa qol jetkizgisi kelgen komandalardyń ózara qyzý oıynyna ardager fýtbolıst Oleg Pechenıktiń týǵan-týystary uıytqy boldy.
«Olegtiń 2-3 synyptan bastap fýtbolǵa qyzyǵýshylyǵy boldy. Alǵashqy jattyqtyrýshysy Vıktor Katkov. Ol kóptegen komandalarda oınady. Jaqsy jetistikterge qol jetkizdi. Aýlalarda balalar úshin tegin sheberlik sabaqtaryn ótkizetin. Joǵary oqý ornynda oqyp júrgende «men stadıon dırektory bolamyn» dep aıtatyn. Ýaqyt óte sol armanyna jetti», – dep eske alady Oleg Pechenıktiń anasy Galına Pechenık.
«Oleg Pechenık qazaq fýtbolyna kóp eńbek sińirdi. Fýtbolshy retinde barlyq kezeńnen ótti. Sheberler komandasynda qazirgi otandyq fýtbol ınfraqurylymyn damytýǵa úlken úles qosty. El fýtbolynyń erteńi jarqyn bolsyn desek, balalar arasynda osyndaı jarystardy kóptep uıymdastyrýymyz kerek», – dedi KSRO sport sheberi Vıktor Katkov.
Qoǵam qaıratkeri, qazaq fýtbolynyń ardageri Oleg Pechenıkti eske alýǵa arnalǵan týrnır qalalyq aýqymda osymen úshinshi ret uıymdastyryldy. Bastamashyldar, endi kelesi jyldan bastap ony respýblıkalyq deńgeıde ótkizýdi kózdep otyr.
