Aqtóbede múmkindigi shekteýli jandardy qoldaý úshin qaıyrymdylyq baly ótti.
Aqtóbe oblysynda memlekettik organdardyń basshylary jańajyldyq korporatıvterdi ótkizýden bas tartty. Onyń ornyna Aqtóbede tuńǵysh qysqy qaıyrymdylyq baly uıymdastyrylmaq. Barlyq jınalǵan qarajat múmkindigi shekteýli jıyrma janǵa, sonyń ishinde balalarǵa beriledi. Mesenattyq salaǵa erekshe kóńil bóletin 200-ge jýyq memlekettik qyzmetker, kásipkerler, qoǵamdyq birlestikter men qor ókilderi qaıyrymdylyqqa qatysatyndaryn rastady. Balǵa kirý úshin tólenetin qaıyrymdylyq jarna 10 myń teńgeni quraıdy, ıaǵnı uıymdastyrýshylar tek kirý bıletiniń ózinen muqtaj jandar úshin 2 mln teńgeden astam qarajat jınaı alady. Budan basqa, arnaıy uıymdastyrylǵan aýksıonnan túsken barlyq aqsha qaıyrymdylyqqa beriletin bolady. Budan ózge, balda óńirde 2018 jyly ótken qaıyrymdylyqty damytý sharalary qorytyndylanady. Qaıyrymdylyq qyzmetine erekshe nazar aýdarǵan, áleýmettik mańyzdy suraqtardy sheshýge súbeli úles qosqan jáne aqtóbelikterdiń ózekti máselelerine beı-jaı qaramaıtyn oblystaǵy úzdik mesenattar marapatalady.
