Aqtóbede ótken Prezıdent shyrshasynda balalardyń barlyq armandary oryndaldy.
Aqtóbede ótip bara jatqan jyly jetistikterimen erekshelengen ata-ana qamqorynsyz qalǵan, múmkindigi shekteýli jáne jetim balalar, barlyǵy 202 baldyrǵan úshin Prezıdent shyrshasy ótti.
Oblystaǵy balalarǵa arnalǵan bıylǵy jańajyldyq qoıylym «Jarqyra, Qazaqstan! Jarqyra, týǵan jer!» dep ataldy. Merekelik sharaǵa oblys ortalyǵy men barlyq aýdandardan kelgen balalar qatysty.
Shyrshanyń shamdary jaǵylyp, el Prezıdenti Nursultan Nazarbaevtyń quttyqtaýynan keıin oblys ákimi Berdibek Saparbaev memleket basshysynyń atynan ár balaǵa syılyqtar tabys etti.
* Prezıdent tapsyrmasymen bizder - jergilikti atqarýshy bılik organdary balalarymyz sapaly bilim alyp, sportpen shuǵyldanyp, ónermen aınalysyp, jan-jaqty damýlary úshin barlyǵyn jasap jatyrmyz. Ótken jyl bizdiń oblysta Bala jyly bolǵanyn ózderińiz de bilesizder. Osy jyldyń ishinde qanshama balalarǵa arnalǵan mektepke deıingi mekemeler, sporttyq jáne oıyn alańdary salyndy, İT-synyptar ashyldy, daryndy balalardyń deni bıylǵy jazda shetelde demaldy. Osynyń bári balalarymyz ózge óńirlerde, basqa elde turatyn qatarlastarynan qalmaı, oı-óristerin keńeıtýleri úshin. Alaıda, eń bastysy, bizdiń Prezıdent aıtqandaı, týǵan Qazaqstanymyzdyń atyn shyǵaratyn laıyqty azamat bolyp ósý úshin osy ıgilikterdiń barlyǵyn paıdalana otyra, úzdik ári jaqsy oqyp, úlkenderdi tyńdaýǵa jáne olardy qurmetteýge tıissizder,- dedi Berdibek Saparbaev.
Aıta keteıik, balalar Aıaz Ataǵa jazǵan hattaryndaǵy syılyqtarynyń barlyǵyn aldy. Olar velosıped, gıroskýter, planshet, teledıdar, noýtbýk jáne t.b. suraǵan. Ár hatta kitaptarǵa, negizinen ensıklopedıalarǵa suranys bar ekenin eskerý kerek. Jetinshi synypta oqıtyn Ásel tigin mashınasyn, eki jas mýzykant – Meırambek pen Kárim qoldan jasalǵan dombyra surasa, Alǵa aýdanynynda turatyn besinshi synyp oqýshysy Sandýǵash fotoaparatty boldy.
Balalarǵa arnalǵan jańajyldyq shyrsha merekelik túski aspen jalǵasyp, murajaıǵa qydyrdy, Aqtóbedegi bas shyrshany tamashalady.
Budan basqa, bıyl óńirde «Balalarǵa qýanysh syıla» atty aýqymdy aksıa ótip, sonyń aıasynda memlekettik organdardyń, bıznes qoǵam ókilderi Aıaz atamen jáne Aqshaqarmen birge erekshe bilim berýdi qajet etetin 3626 balany quttyqtap, syılyqtar tartý etedi. Aqtóbedegi
Jekpe-jek saraıynda Qazaqstan Respýblıkasy Prezıdenti atynan jańajyldyq shyrsha uıymdastyryldy.
«Jarqyra, Qazaqstan! Jarqyra, týǵan jer!» degen atpen ótken merekelik saltanatqa oblys ortalyǵy men aýdandardan 202 bala shaqyrylypty. Olar — oqýda, sportta tabystarǵa jetip, óz ónerlerimen tanylyp júrgen balalar. Keń zaldaǵy jasyl shyrshany aınala toptasqan balalar aldymen Alısa esimdi qyzdyń Ǵajaıyptar eline jasaǵan saparyna «ortaqtasty», ertegiler men múltfılmder keıipkerleriniń keıpine engen aǵa-apalarynyń jeteginde bı bılep, qyzyqty oıyndar oınady, jumbaqtar sheshti.
Budan soń balalar úlken ekran arqyly Elbasy quttyqtaýyn tyńdady.
Nursultan Nazarbaev óz sózinde:
— Bul — ózderińdi jańa kúnge jeteleıtin, jańa úmit syılaıtyn erekshe meıram. Osy merekelik basqosýdy balalar asyǵa kútedi. Biz úshin qashanda balalardyń qýanyshynan artyq eshteńe joq. Elimizde balalardyń alańsyz ári baqytty ómir súrýi úshin biz barlyq jaǵdaıdy jasaımyz. Sanaly tárbıe men sapaly bilim alýǵa umtylǵan jón. Ustazdaryńyzdy syılap, olardyń eńbegin baǵalaı bilińder! Baldáýren balalyq shaqta baqytqa bólene berińder! Jańa jyl qutty bolsyn! Jańa jylda izgi arman-tilekteriń oryndalsyn! — dep, balalarǵa aq tilegin joldady.
Elbasy quttyqtaýynan keıin, balalardyń qalaýymen keń zaldyń ortasyndaǵy jasyl shyrshanyń shamdary jaǵylyp, ol túrli tústi sáýlelerge bólendi. Balalar oblys ákimi Berdibek Saparbaev pen oblystyq máslıhat hatshysy Sánıa Qaldyǵulovamen birge jasyl shyrshany aınala júrip, án saldy. Balalardy oblys ákimi Berdibek Saparbaev ta quttyqtady:
— Aınalaıyn, balalar, jańa óz quttyqtaýynda Elbasy atap ótkendeı, sender bul merekeni asyǵa kútesińder. Biz álemdegi basqa elderdiń, basqa halyqtardyń balalarynda bar múmkindikterdi senderge de jasaýǵa tyrysamyz, sender de jaqsy bilim alyp, ónerdiń, sporttyń ózderiń qalaǵan túrimen alańsyz aınalyssańdar deımiz. Sol úshin de, kórip otyrǵandaryńdaı, jańa mektepter, sport alańdary, İT-synyptar ashylyp jatyr. Bıylǵy jyl oblysymyzda Balalar jyly bolyp jarıalandy. Bizdiń bar tilegimiz — sender laıyqty bilim alyp, erteńgi kúni jaqsy azamat bolsańdar eken! Eń bastysy, densaýlyqtaryń myqty bolsyn! Jańa jyl senderge kóp qýanysh pen jaqsylyqtar ákelsin! — dedi oblys basshysy.
Kelesi sátte ortaǵa Aıaz ata shyǵyp, balalar óz tilekterin jazǵan hattardyń birinen soń birin oqı bastady. Balalardyń armandary san alýan: shalqarlyq Dıana Qulekeshova óskende dızaıner bolýdy maqsat etedi. Ol óz hatynda qazirden bastap-aq tigin mashınasymen jumys istegisi keletinin aıtypty. Al áıtekebılik Áıgerim Qarqulova qazaq aqyndarynyń óleńderin súıip oqıdy, sondyqtan ol jańajyldyq syı retinde Muqaǵalı Maqataevtyń jyr jınaǵyn alýdy qalaıtynyn jazǵan. Baıǵanın aýdanynyń ortalyǵynda turatyn Kárim Qoshanov ónerge jaqyn, ol jaqsy bir dombyraǵa ıe bolǵysy keletinin jetkizipti. Osy jáne basqa bir top bala óz tilekteri boıynsha qalaǵan syılyqtaryn oblys ákimi Berdibek Saparbaevtan aldy. Jalpy, shyrshaǵa qatysqan barlyq balaǵa Elbasy atynan quttyqtaý hat pen syılyqtar tabystaldy.
