Oblys ákiminiń orynbasary Oljas Smaǵulovtyń tóraǵalyǵymen áleýmettik seriktestik jáne áleýmettik-eńbek qatynastaryn retteý týraly oblystyq úshjaqty komısıa otyrysy ótti.
Áleýmettik áriptestik jónindegi oblystyq úshjaqty komısıa músheleri bıznestiń áleýmettik jaýapkershiligi jónindegi «Paryz-2018» konkýrsynyń qorytyndylaryn, áleýmettik áriptestik pen áleýmettik-eńbek qatynastaryn retteý jónindegi aldaǵy jylǵa jumys josparynyń jobasyn qarady.
Budan basqa, Qazaqstan Respýblıkasynyń Eńbek jáne halyqty áleýmettik qorǵaý mınıstri Mádına Ábilqasymovanyń atynan konkýrstyń laýreattary men qatysýshylary — «Aqtóbe JEO» AQ, «AZHS» AQ, «Qazaq Oıl Aqtóbe» JSHS, «SNPS- Aqtóbemunaıgaz» AQ, «Vosqod-Ogieİ» JSHS, «Saǵyz Petroleým» JSHS ujymdaryna «Paryz-2018» konkýrsynyń dıplomdaryn tabys etti. Olar korporatıvtik áleýmettik jáne ekologıalyq jaýapkershilik prınsıpterin iske asyrýda joǵary nátıjelerge qol jetkizdi, múmkindigi shekteýli adamdarǵa qatysty únemi ózderiniń áleýmettik jaýapkershiligin júzege asyryp, halyqtyń áleýmettik jaǵynan osal toptaryna qamqorlyq pen qaıyrymdylyq, demeýshilik jáne kómek kórsetedi.
2018 jyly «Paryz» bıznestiń áleýmettik jaýapkershiligi respýblıkalyq baıqaýyna Aqtóbe oblysynan 55 kásiporyn sýbektileri qatysty. Olardyń qatarynda iri, orta jáne shaǵyn kásipkerlik sýbektileri, taý-ken óndirý, taý-ken metalýrgıa salasy, qurylys materıaldaryn óndirý, hımıa ónerkásibi, mnaı-gaz sektory, energıamen jabdyqtaý, qurylys, aýyl sharýashylyǵy salalary da bar. Bıylǵy jeltoqsanda Memleket basshysynyń qatysýymen jobalardy tanystyrý jónindegi jalpyulttyq telekópir ótkizý aıasynda «Altyn sapa» jáne «Paryz» syılyqtarynyń laýreattaryn marapattaý rásimi ótkeni belgili. Onda «Úzdik ujymdyq shart» nomınasıasynda iri kásiporyndar sýbektileri arasynan «Qazhrom» TUK» AQ birinshi oryn, iri kásipkerlik sýbektilerinen «Ekologıaǵa qosqan úlesi úshin» nomınasıasynda «Soıýz Grand» JİİİS ekinshi oryn, jáne «Eńbekti qorǵaý salasyndaǵy úzdik kásiporyn» nomınasıasynda orta kásipkerlik sýbektileri arasynan «Ekoton-Batys» JSHS úshinshi oryn aldy. Áleýmettik áriptestik pen áleýmettik jáne eńbek qatynastaryn retteý jónindegi oblystyq úshjaqty komısıa músheleri 2019 jylǵa arnalǵan jumys josparyn bekitti.
