Oblys ákimi Berdibek Saparbaev «IT Space» kompanıasynyń prezıdenti Qanysh Tóleýshınmen kezdesti

Kezdesý kezinde óńir basshysyna barlyq komýnaldy qyzmetterdiń «109» jáne barlyq shuǵyl áreket etý qyzmetteriniń «112» nómirleri boıynsha avtomattandyrylǵan aqparattyq júıesi tanystyryldy.

Atalmysh júıeni ázirleýshilerdiń málimetteri boıynsha biryńǵaı dıspecherlikti engizýdiń basty ereksheligi sol — turǵyndardyń shuǵyl qyzmetterge qol jetkizýi aıtarlyqtaı jeńildeıtin bolady. Óıtkeni qyzmetterdi tańdaý jáne olardyń áreket etýi úshin jaýaptylardy habardar etý mindeti qońyraýdy naqty jikteý men tapsyrmany beıindi qyzmetterge berý jumystary operatorlarǵa júkteledi. Budan basqa, adamdardyń kez kelgen júginýi júıede tirkelip, ony nazarsyz qaldyrýǵa múmkindik bermeıdi.

Kezdesý qorytyndysynda oblys basshysy jaýapty memlekettik organdarǵa atalǵan jobany muqıat zerttep, tıisti usynystar engizýdi tapsyrdy.