Aqtóbede otbasyly múgedek jandardyń baspanaly bolý armany Jańa jyl qarsańynda oryndaldy.

Jańa jyl qarsańynda Aqtóbe oblysynyń ákimi Berdibek Saparbaev erli-zaıypty Esqalıevterdi quttyqtady.

Erli-zaıypty Maral men Natalá – birinshi jáne ekinshi toptaǵy múgedek jandar, alaıda olardyń ómiri tańǵalýǵa jáne qoldaýǵa turarlyq.

Olar adam tabandylyqpen jáne jumyspen qıyndyqty jeńe alatyndyǵyna, tipti múgedektiktiń aýyr túri úkim emes ekenine dálel.

Maral Esqalıev: «Men qarttar men múgedekter ınternat úıine 2012 jyly kólik apatyna ushyraǵannan keıin keldim. 2015 jyly sonda Natalámen tanysyp, keıin otbasyn quramyz dep sheshtik. Internat úıiniń basshylyǵy bizge bólme berdi. Sonda turdyq», - dep esine aldy.

Bir jyldan keıin Natalá tigin mashınasyn alyp, tapsyryspen tósek-oryn jabdyǵyn tige bastaıdy. Sol kezde ınternat úıinde januıaǵa bir bólme berilgen.

«Osy ýaqytqa deıin biz baspanaǵa jınadyq, 3 mln teńge jınaldy. Keıin jergilikti bılikke ótinish bildirip, olar bizdi qoldady da demeýshi taýyp berdi. Sóıtip, «Qazhrom» TUK» taǵy 5 mln teńge berdi. Úıdi ózimiz tańdadyq, qala ortalyǵynda birinshi qabatta ornalasqan eki bólmeli páter. Bizge ornalasqan jeri, aýdany unady. Munda jaqyn jerde jelekjol bar, qydyrýǵa bolady»,- dep Esqalıevterdiń otaǵasy sózin jalǵastyrdy.

Oblys ákimi baqytty jańa qonys ıelerin osyndaı mańyzdy oqıǵalarymen jáne kele jatqan Jańa jyldarymen quttyqtady. Olarǵa kúsh-qýattaryn, optımızm men rýhanı sergektikti uzaq jyldar boıy saqtaýdy tilep, Maral Esqalıevke zamanaýı múgedekter arbasy men úıdiń otanasyna turmystyq tehnıka syılady.