QR Bilim jáne ǵylym eks-mınıstri Erlan Saǵadıev shetelge oqýǵa ketpek dep jazady Qamshy.kz aqparat agenttigi.
Erlan Saǵadıev bir jyldyq Advanced Leadership Initiative lıderlik baǵdarlamasynan ótýge nıetti. Ol jerde áleýmettik sektorda mańyzdy máselelerge qatysty sheshim qabyldaýǵa úıretedi eken.
Esterińizge sala keteıik, aǵymdaǵy jyldyń 21 aqpanynda Elbasy QR Úkimetin otstavkaǵa jibergen bolatyn. Keıinnen QR Bilim jáne ǵylym mınıstri qyzmetine Kúlásh Shámshadınova taǵaıyndalǵan.
Oǵan deıin bul qyzmette otyrǵan Saǵadıevtiń kezinde bilim salasynda birshama ózgerister bolyp, sondaı-aq kóptegen daýly máseleler de týyndaǵan edi. Mektepte oqý 12 jylǵa uzartylyp, úsh tilde oqý júıesi men kundelik.kz atty elektrondy kúndelik iske qosyldy.
Usynǵan: Nazerke Labıhan
