Almatylyq kásipkerler "Baqytty otbasy" chellendjin bastady. Ol seriktesterin tabysy tómen jáne kópbalaly otbasylarǵa kómektesýge shaqyrdy

Erekshe estafetany qalalyq máslıhattyń depýtaty Qaırat Qudaıbergen ashty. Ol ózi syndy kásipker seriktesterin tabysy tómen jáne kópbalaly otbasylarǵa kómektesýge shaqyrdy, dep habarlaıdy Qamshy.kz aqparat agenttigi Almaty.tv-nyń deregin negizge alyp. 

Halyq qalaýlysy kedeı otbasynda óskenin jáne soǵan qaramastan qıyn-qystaý kezeńde de qaıyrymdylyqpen aınalysqanyn eske aldy.

"Men bul chellendjdi ármen qaraı ózimniń kásipker áriptesterim Armanjan Baıtasovqa, Serik Túlkibasovqa, Gúlmıra Tolǵanbaevaǵa, Dýlat Tastekeevke jáne Almas Ábdiǵapparovqa joldaımyn. Sizderdi de kópbalaly jáne kómekke muqtaj otbasylarǵa járdem berýge shaqyramyn!", – dedi Almaty qalasy máslıhatynyń depýtaty Qaırat Qudaıbergen.

Erekshe aksıaǵa barlyq qazaqstandyq qatysa alady. Aıta keteıik, izgilikti isti bastaǵan Qaırat Qudaıbergenniń ózi birinshi bolyp qorǵa 7 mıllıon teńge qarajat aýdardy.

Usynǵan: Ásel Bolatqyzy