«Astana Opera» teatrynyń balet trýppasy Reseıdegi eń bedeldi teatrlyq-konserttik alańdardyń biri - Memlekettik Kreml Saraıynda (Máskeý) óner kórsetedi dep habarlaıdy Qamshy.kz aqparat agenttigi inform.kz saıtyna silteme jasap.
«Vaslav Nıjınskıı. Orys baletiniń kemeńgeri» atty balet juldyzdarynyń ǵalamat gala-konserti 18 sáýirde ótedi.
Onyń aıasynda balet trýppasynyń kórkemdik jetekshisi, RF Halyq ártisi Altynaı Asylmuratovanyń jetekshiligimen «Astana Opera» teatry horeografıalyq ónerdiń jaýhar týyndysy - N.Rımskıı-Korsakovtyń mýzykasyna M.Fokınniń «Sheherazada» baletin usynady.
«Biz úshin barlyq gastról mańyzdy, jaqynda balet trýppasy bir aı kóleminde Eýropa qalalarynda orasan zor jetistikpen óner kórsetti. Barlyq jerde anshlag boldy. Búginde Máskeýdegi eń bedeldi konserttik zal sahnasynda «Sheherazada» bir bólimdi baletin oryndaý týraly Andrıs Lıepadan shaqyrtý kelip tústi. Bul biz úshin jaýapty ári aıtýly óner kórsetý bolmaq, sebebi, gala-baǵdarlamanyń tutastaı bir bólimi «Astana Opera» teatryna berilgen. Kreml Saraıy sahnasyn kózdiń jaýyn alar dekorasıalar sándeıtin bolady. Biz olardy Qazaqstannan alyp baramyz. Ártisterimiz spektákldi keremet deńgeıde kórsetedi degen úmittemiz. Bizge degen yqylasy men senimi úshin Andrıs Marısovıchke alǵys bildiremin. Naýryz aıynda qazaqstandyq kórermender osynaý baletti «Astana Opera» sahnasynan tamashalaı alady", - dep atap ótti Altynaı Asylmuratova.
Dástúr boıynsha Reseıdiń Halyq ártisi Andrıs Lıepanyń «Qoltańbalar jáne bedel» jobasy jyl saıyn ótedi.
Gala-konsert baǵdarlamasyna «Qasıetti kóktem», «Petrýshka», «Uıqydaǵy arý», «Jızel», «Talısman» jáne t.b. baletterdiń úzindileri engen.
Degenmen de, keshtiń basty oqıǵasy Lev Baksttyń qaıta jańǵyrtqan dekorasıalary men kostúmderi bar «Sheherazada» shyǵys ertegisiniń kórsetilimi bolary anyq.
Usynǵan: Maqpal Sembaı
