Áleýmettik jeli qoldanýshysy Asqat Ahmedıarov óziniń Facebook jelisindegi paraqshasynda Sırıadaǵy turǵyndar túsirilgen vıdeony jarıalady. Onyń aıtýynsha, ol jerdegi adamdardyń arasynda Qazaqstannyń azamattary da bar eken, dep jazady Qamshy.kz aqparat agenttigi.

"Keshe túndegi France 24 arabic telearnasynyń efırinen bolǵan arnaıy reportaj. Arasynan "Ia ız Kazahstana!" degen sózdi qulaǵym shalyp qaldy. Kezekti taǵy bir qarakózimiz, bombylaýdan qashyp býferlik aımaqqa kelip jatyr eken. Búginderi "Sırıanyń Demokratıalyq Kúshteri" áskerleri DAISH-tyń sońǵy Baǵýz taýy men Efrat ózenderiniń mańyndaǵy uıashyqtaryna soqqylar jasaýda. Nátejıesinde myńdaǵan sodyrlardyń áıelderi men balalary azat etilip jatyrǵan aımaqtardan býferlik oryndarǵa ornalasýda. Kóbisi, Túrkıaǵa baryp sol elde qonystanamyz dese, (olardy qabyldaıyn dep jatqan Túrkıa bar bolsa) al Eýropanyń keı memleketteri bul azamattardy óz elderine qaıta qabyldaýǵa múlde qarsylyq tanytyp jatyr. Jáne óz kezeginde adam quqyǵyn qorǵaıtyn ınstıtýttar men qaýipsizdik salasynyń mamandary arasynda úlken dıspýtqa aınalýda. Negizi taǵy bir "Jýsannyń" ıisi shyǵyp keledi. Jalpy bizdiń tájirbıemizge keler bolsaq, elge 47 azamattyń qaıtarylǵanyn bilemiz, alaıda olarmen júrip jatyrǵan jumystardan esh habarymyz joq?! Qandaı jerde ómir súrip jatyr, endigi ómirleri ne bolady?! Radıkaldy raılarynan qaıtty ma, adamı faktorlar qalaısha esepke alynýda?! Beıimdelý ortalyǵynda ǵana ekenin bilemiz, arasynda suhbattar berip turady boldy. Qaıdan, qalaı ekeni belgisiz?!" - dep jazady Asqat Ahmedıarov.

Usynǵan: Nazerke Labıhan