Boıng 737 MAX 8 – kóptegen elmen kelisim-shart jasaǵan eń tanymal avıatasymaldaýshylardyń biri.

Alaıda, Addıs-Abebadan Naırobıge ushyp bara jatqan Boıng-737 MAX 8   jeksenbi kúni tańerteń apatqa ushyrady. Bul apat adamdardyń laınerge degen senimsizdigin arttyryp jiberdi.

Ushaq kóterilgen soń kóp ótpeı ushqysh qıyndyqtar týyndaǵanyn habarlap, Addıs-Abebaǵa qaıta oralýǵa ruqsat suraǵan. Jerden kóterilgenine 6 mınýt ótkende ushaq radardan kórinbeı qalǵan. Bortta bolǵan júz elý jeti adam – 149 jolaýshy men 8 ekıpaj múshesi – qaza tapty. Sarapshylar ushaqtyń tiginen qulaǵanyn aıtady. Ushaq kompanıadan osydan 4 aı buryn ǵana satyp alynǵan.

Sońǵy bes aıda Boıng 737 MAX 8 ushaǵy ekinshi ret apatqa ushyrap otyr.

Áleýmettik jeli paıdalanýshylary ushaqtyń osy modelinde ushýǵa qorqyp, áýe kompanıasynda brondalǵan bıletterin ózgertýdi talap etip otyr.

Áýe kompanıalary, óz kezeginde, jolaýshylardy tynyshtandyrdy.  Olar «Boıngtiń» qaýipsizdigine tolyq senimdi ekenin jetkizdi. Alaıda Qytaı ushaqtyń osy túrimen ushýdy toqtata turýǵa sheshim qabyldady. Sondaı-aq Vetnam da apattyń sebepteri anyqtalmaıynsha, óz áýekompanıalaryna bul ushaqty paıdalanýǵa ruqsat bermeıtinin jetkizdi.

Saltanat Shynádil