Igor Reznıkov Pıterden Izraılge ketti. Qazir ol ıerýsalımdik Nave Iaakov aýdanynda turady. Kezinde LMZ zaýytynda ınjener bolyp jasaǵan. Áńgime barysynda ol Pıterde, Grıboedov kanaly mańyndaǵy 193-shi mektepti bitirgeni belgili boldy. Pýtın oqyǵan mektepte.
- Siz ony tanıtyn ba edińiz?
- Endi qalaı! 8 jyl bir mektepte oqydyq. Jigitim naǵyz boqmurynnyń ózi boldy. Ony eshkim jaqtyrmaıtyn. Laqap aty Kórtyshqan edi, artynan Toqyldaq atandy. Sál nársege aryz aıtýǵa tura júgiretin, sondyqtan ony ońashada tómpeshtep alatynbyz. Eger abaılap qarasańyz, ol qazir de kórtyshqannan aýmaıdy.
- Ol mektepte qalaı oqydy?
- Ortasha. Muǵalimder odan qorqatyn. Ol olardyń ústinen Goronoǵa, bilim mınıstrligine, KGB-ǵa aryz aıdaıtyn. Árbir osyndaı aryzǵa komısıa keletin. Aryzdar domalaq aryz (anonım) túrinde jazylatyn, báribir qoltańbasyna qarap onyń kim ekenin bilip qoıatyn. Sondyqtan ony muǵalimder de, oqýshylar da óte jek kórdi.
Artynan odan da jaman jaǵdaılar kezdesti. Ol jóninde bizge bizdiń synypta oqyǵan Petá Vasılev aıtyp berdi. Vova oǵan mysyqtardy birlesip darǵa asýǵa usynys jasapty. Muny Petá muǵalimderge aıtqan. Baryp qarasa Vova turǵan úıdiń shatyrynda asýly turǵan mysyqtardy tapqan jáne olardyń barlyǵynyń da kózderi shyǵarylǵan eken. Kezinde bul úlken aıǵaı-shý boldy. Ony psıhıkalyq aýytqýy bar arnaıy mektepke aýystyrǵysy keldi, biraq ata-analary osy isti áıteýir japty. Múmkin aqsha tólegen shyǵar, bilmeımin.
Sosyn..., keshirińiz, odan jaman sasyq ıis shyǵyp turatyn. Jýynbaı ma, bilmeımin. Osyǵan qatysty onymen muǵalimder de sóılesip kórdi. Múmkin ol qandaı da bir aýrýdyń túri shyǵar, bilmeımin, áıteýir onyń ıisi erekshe sumdyq bolatyn. Sondyqtan da onymen eshkim de partalas bolǵysy kelmedi. Jalǵyz otyrdy. Anasymen sóılesýdiń paıdasy joq edi. Eski anekdottaǵydaı – Monány ıiskemeý kerek, Monány oqytý kerek. Al synyptastardyń sońǵy qońyraýyna eshqashan da kelgen emes.
Derekkóz: livejournal.com
Usynǵan: Gúlim Jaqan
